थेट मुलाखत आणि नोकरीची संधी, राज्य शासनाकडून नामांकित कंपन्यांच्या पद भरतीसाठी रोजगार मेळावा!

पंडित दीनदयाळ उपाध्याय रोजगार कार्यक्रम मेळाव्यात रोजगाराच्या एकूण 185 जागांसाठी मुलाखती..

पोलीस वार्ता, नाशिक : थेट मुलाखात आणि नोकरीची संधी, नाशिक जिल्हा कौशल्य विकास रोजगार व उद्योजकता मार्गदर्शन केंद्र यांच्या वतीने रोजगार मेळाव्याचे आयोजन दि.29 ऑगस्ट 2025 रोजी सातपूर येथे करण्यात येत आहे.

या पंडित दीनदयाळ उपाध्याय रोजगार कार्यक्रम मेळाव्यात रोजगाराच्या एकूण 185 जागांसाठी मुलाखती घेण्यात येणार आहे. इच्छुक उमेदवारांनी जास्तीत जास्त संख्येने दि.29 ऑगस्ट रोजी सकाळी 11 ते दुपारी 2 या वेळेत उपस्थित रहावे. असे जिल्हा कौशल्य विकास, रोजगार व उद्योजकता मार्गदर्शन केंद्र, नाशिकचे सहाय्यक आयुक्त वि.रा.रिसे यांनी आवाहन केले आहे. मेळावा कार्यक्रम प्रगत व्यवसाय प्रशिक्षण केंद्र इमारत (AVTS), पहिला मजला, शासकीय आयटीआय, त्र्यंबकरोड, सातपूर, नाशिक- 422007 या ठिकाणी होणार आहे.

आयोजित रोजगार मेळाव्यात नामांकित कंपन्या ज्यात महायान ग्लोबल एक्युपमेंटस सोल्युशन प्रा.लि, फिबिटेक सोल्युशन्स प्रा.लि, अभिनव इंस्टीटयुट ऑफ टेक्नॉलॉजी अँड मॅनेजमेंट यांसह इतर कंपन्यांचे रिक्त पदांसाठी प्रत्यक्ष मुलाखती होणार आहे. नोकरीसाठी इच्छुक उमेदवारांनी सेवायोजनवर नोंदणी केली नसल्यास www.rojgar.mahaswayam.gov.in या संकेस्थळावर नोंदणी करावी. तसेच लॉग इन करून शैक्षणिक पात्रतेनुसार रिक्तपदांसाठी माहिती भरून अप्लाय करावे.

अधिक माहितीसाठी कंपनी व्यवस्थापक आणि उमेदवारांनी कार्यालयाच्या nashikrojgar@gmail.com या ईमेलवर किंवा 0253-2993321 कार्यालयाच्या या दूरध्वनी क्रमांकावर कार्यालयीन वेळेत संपर्क साधावा. तसेच शासकीय रोजगार मेळाव्यात कंपनी व्यवस्थापक व उमेदवारांकडून कोणत्याही प्रकारचे शुल्क घेतले जात नाही. सर्व सेवा निशुल्क आहेत. हे सगळ्यांनी लक्षात घ्यावे.