आरोपीस न्यायालयात हजर केले असता दोन दिवसांची पोलीस कोठडी देण्यात आली आहे..
पोलीस वार्ता, रावेर | तालुक्यातील खिर्डी बुद्रुक येथील रहिवाशी व हॉटेल व्यावसायिक प्रवीण रमेश जैस्वाल यांनी निंभोरा पोलिसांना तक्रार दिली होती की, त्यांनी दि.29 जुलै 2026 रोजी रात्री 11:30 वाजेच्या सुमारास त्यांची होंडा युनिकॉर्न मोटारसायकल क्र. MH 19 EX2679 घरासमोर पार्क केली असता ती चोरी झाली. त्यानुसार निंभोरा पोलीस ठाण्यात बीएनएस कलम 303(2) प्रमाणे गुन्हा दाखल करण्यात आला होता.
जिल्ह्यात मोटारसायकल चोरीच्या घटनांना आळा घालण्यासाठी जळगाव ग्रामीण पोलिसांनी वरिष्ठांच्या आदेशानुसार तपास तीव्र केला आहे. त्यातूनच दाखल गुन्ह्यात गुप्त माहितीवरून मोटरसायकल चोरणाऱ्या संशयित आरोपी किरण उर्फ गफूर पीतांबर कोळी (रा. खिर्डी बु., ता.रावेर) यास पोलिसांनी ताब्यात घेऊन त्याची चौकशी केली. त्याने गुन्ह्याची कबुली देऊन चोरी केलेली 70 हजार रुपये किंमतीची मोटारसायकल पोलिसांच्या स्वाधीन केली. आरोपीस न्यायालयात हजर केले असता दोन दिवसांची पोलीस कोठडी देण्यात आली आहे. गावामध्ये अनेक प्रकारच्या चोऱ्या झाल्या असून त्याचाही तपास पोलीस करत असून त्या चोरीत ही संशयित आरोपीचा कुठला सहभाग आहे का? या अनुषंगाने देखील पोलीस तपास करीत आहे.
