निंभोरा येथील दाखल गाईंच्या चोरी प्रकरणात चार आरोपींना अटक!

जळगाव ग्रामीण पोलिसांकडून अज्ञात चोरट्यांचा शोध घेऊन केली कारवाई, निंभोरा पोलीस ठाण्याची कामगिरी..

पोलीस वार्ता, रावेर | तालुक्यातील निंभोरा बुद्रुक येथी सबस्टेशन जवळून दि.29 जुलै 2026 रोजी रात्री वाड्यावरून दोन शेतकऱ्यांच्या चार गाई गेल्याची घटना घडली होती. याप्रकरणी निंभोरा पोलिसांनी शेतकऱ्यांच्या फिर्यादीवर अज्ञात चोरट्यांविरुद्ध गुन्हा दाखल केला होता.

पोलिसांनी दिलेल्या माहितीप्रमाणे, शेतकरी लक्ष्मण गोविंदा बोढे, वय-65 वर्षे, रा. निंभोरा बु., ता.रावेर, जळगाव आणि शेजारील वाडा असलेले शेतकरी सुपडू विश्वनाथ नेमाडे यांच्या वाड्यातून दि.29 जुलै 2026 च्या रात्री चार गाई चोरीला गेल्या त्यातील दोन गाईंची किंमत 22 हजार रुपये तर इतर दोन गाईंची किंमत 44 हजार रुपये असे एकूण 66000/- हजार रुपये किंमतीचे पाळीव प्राणी अज्ञात चोरट्यांनी चोरून नेले. ​शेतकऱ्यांनी आजूबाजूच्या परिसरात शोध घेऊनही त्यांच्या गाई न मिळाल्याने त्यांनी अखेर निंभोरा पोलीस ठाण्यात तक्रार दिली. त्यानुसार निंभोरा पोलीस ठाण्यात CCTNS गु.र.नं.- 172/2026 BNS कलम 303(2) अन्वये अज्ञात चोरट्यांविरुद्ध गुन्हा दाखल करण्यात आला होता.

या गुन्ह्यांतील आरोपींचा शोध घेऊन कारवाई करण्याचे आदेश जळगाव मा.पोलीस अधीक्षक श्रीकांत धिवरे, अपर पोलीस अधीक्षक मा.संदीप गावित, उपविभागीय पोलीस अधिकारी (फैजपूर) अनिल बडगुजर यांनी देऊन पोलीस पथकाला मार्गदर्शन व सूचना दिल्या होत्या. त्यानुसार पोलीस पथक तपास करत असतांना गुप्त माहिती माहिती मिळवली आणि तांत्रिक विश्लेषण आणि CCTV फुटेजच्या आधारे तपास पूर्ण करून दाखल चोरीच्या गुन्ह्यांतील चार आरोपींची ओळख निष्पन्न केली. व त्यांना ताब्यात घेतले.

आरोपीची नावे 1) हयात शेख मासून मन्यार, वय-25, रा. मन्यारवाडा, चिनावल, ता.रावेर. 2) शेख आवेश शेख एजाज खान, वय-20, रा. ख्वाजानगर, सावदा, ता.रावेर. .3) शेख राजीद शेख शरीफ, वय-23, रा. ईदगाहजवळ, रसलपूर, ता.रावेर. 4) शेख नासीर शेख चांद, वय-45, रा. वरणगाव, ता.भुसावळ अशी आहेत. सदरची कारवाई  निंभोरा पोलीस ठाण्याचे सहा. पोलीस निरीक्षक मीरा देशमुख, पोहेकॉ. अविनाश पाटील आणि पोकॉ किरण कोळी यांच्या पोलीस पथकाने मिळून केली आहे.