नाशिक महानगरपालिका निवडणूक: आज उमेदवारांच्या अर्जांची छाननी

नाशिकरोड भागातील प्रभाग क्रमांक 17, 18, 19 आणि 20, 21, 22 मधील उमेदवारांच्या अर्जांची सकाळी 11 पासून छाननी सुरू..

पोलीस वार्ता, नाशिक : महानगरपालिका सार्वत्रिक निवडणूक 2025-26 नाशिक महानगरपालिकेच्या नाशिकरोड भागात येणाऱ्या प्रभाग क्रमांक 17, 18, 19 आणि 20, 21, 22 मधील इच्‍छुक उमेदवारांच्या अर्जांची छाननी आज बुधवारी, दि.31 डिसेंबर 2025 रोजी सकाळी 11 वाजेपासून सुरू झाली आहे, निवडणूक निर्णय अधिकारी  यांच्या देखरेखीखाली ही प्रक्रिया पूर्ण होईल.

अर्जांची छाननी होत असताना प्रभाग क्रमांक 17, 18, 19 तसेच प्रभाग क्रमांक 20, 21, 22 मधील अ, ब, क आणि ड प्रवर्गातील अर्जांची छाननी होईल. यावेळी अर्ज दाखल इच्छुक उमेदवार नाशिकरोड महापालिका परिसरात उपस्थित आहेत.

नाशिकरोड भागात अनेक इच्छुकांनी काल शेवटच्या दिवशी आपला उमेदवारी अर्ज दाखल केला आहे. प्रभाग 20, 21, 22 मध्ये अधिक इच्‍छुक असून बराच गोंधळ देखील पहायला मिळाला इच्छुकांनी अर्ज लवकर दाखल करण्यासाठी किरकोळ शाब्दीक वाद देखील केलेत. परंतु नंतर सगळे सुरळीत झाले. सायंकाळी उशिरापर्यंत राहिलेले अर्ज दाखल करण्याचे काम चालू होते. सर्वात शेवटी प्रभाग 21 च्या राष्ट्रवादी काँग्रेस पार्टी शरदचंद्र पवार पक्ष यांच्या चारही इच्छुक उमेदवारांनी एबी फॉर्मसह त्यांच्या पॅनेलचा उमेदवारी अर्ज सोबत दाखल केला.