जिल्हा रुग्णालय क्रिकेट समितीच्या वतीने आयोजित क्रिकेट स्पर्धेत 24 संघांनी सहभाग नोंदविला!

ग्रामीण रुग्णालय बाऱ्हे संघ उपविजेता तर जिल्हा शल्यचिकित्सक कार्यालयाच्या कर्मचाऱ्यांनी तृतीय क्रमांक पटकावला. महिला गटात जिल्हा रुग्णालय ‘अ’ संघाने विजेतेपद मिळविले..

पोलीस वार्ता, नाशिक : दैनंदिन रुग्णसेवेत व्यस्त असलेल्या आरोग्य कर्मचाऱ्यांना तणावमुक्त वातावरण मिळावे, संघभावना व आरोग्यदायी जीवनशैलीचा संदेश द्यावा, या उद्देशाने नाशिक शहरात जिल्हा रुग्णालय क्रिकेट समितीच्या वतीने जिल्हा रूग्णालय व अधिनस्त आरोग्य संस्थांमधील कर्मचाऱ्यांसाठी 16 ते 18 जानेवारी 2026 या कालावधीत वार्षिक क्रिकेट स्पर्धेचे आयोजन हे हुतात्मा अनंत कान्हेरे (गोल्फ क्लब) क्रिकेट मैदान येथे करण्यात आले होते.

स्पर्धेचा अंतिम सामना ग्रामीण रूग्णालय बाऱ्हे आणि जिल्हा रूग्णालय नाशिक डॉक्टर्स संघ यांच्यात पहायला मिळाला. अंतिम सामन्यात जिल्हा रूग्णालय डॉक्टर्स संघ हा या क्रिकेट करंडकाचा विजयी संघ ठरला. जिल्हा शल्य चिकीत्सक डॉ.चारूदत्त शिंदे यांच्या हस्ते विजेत्या संघाला व उत्कृष्ट कामगिरी करणाऱ्या खेळाडूंना गौरविण्यात आले.

या स्पर्धेत 24 संघांनी सहभाग नोंदविला. ज्यात उपजिल्हा रुग्णालय, ग्रामीण रुग्णालय तसेच इतर आरोग्य संस्थांतील रुग्णालयात, ग्रामीण रुग्णालय बाऱ्हे आणि जिल्हा रुग्णालय डॉक्टर्स संघ यांच्यात अंतिम सामना रंगला. ग्रामीण रुग्णालय बाऱ्हे संघ उपविजेता ठरला, तर जिल्हा शल्यचिकित्सक कार्यालयाच्या कर्मचाऱ्यांनी तृतीय क्रमांक पटकावला. महिला गटात जिल्हा रुग्णालय ‘अ’ संघाने विजेतेपद मिळविले. अशी माहिती समिती अध्यक्ष अमोल दौडे यांनी दि.20 जानेवारी 2026 दिली आहे.

क्रिकेट स्पर्धेसाठी स्वस्तिक हॉस्पिटल व खुशी किया मोटर्स यांचे प्रायोजकत्व लाभले होते. या स्पर्धेमुळे आरोग्य सेवा देणाऱ्या कर्मचाऱ्यांमध्ये उत्साहाचे व आनंदाचे वातावरण निर्माण झाले. स्पर्धेच्या यशस्वी आयोजनासाठी डॉ.अनंत पवार, डॉ.नितेश पाटील, डॉ.संदीप सूर्यवंशी, डॉ.अनिरूद्ध भांडारकर, डॉ.सतीश शिंपी, डॉ.अनंत गायकवाड यांच्यासह सर्व सहकाऱ्यांनी परिश्रम घेतले. असेही श्री. दौडे यांनी कळविले आहे.