देवळाली गाव येथील प्रसिद्ध श्री साई श्रद्धा फाउंडेशनच्या साई पालखी शोभायात्रा व मिरवणुकीचे आयोजन!

शोभायात्रा मिरवणुकीत परराज्यातून आलेले कलाकार देवी-देवतांचे वेगवेगळ्या वेशभूषा आणि कलाकृती सादर करतांना दिसणार..

पोलीस वार्ता, नाशिक : नाशिकरोड भागातील श्री साई श्रद्धा फाउंडेशनच्या वतीने दरवर्षी आयोजित करण्यात येणारी प्रसिद्ध साई पालखी पदयात्रा व शोभायात्रा मिरवणूक यंदा 20 जानेवारी 2026 मंगळवार रोजी दुपारी 12 वाजेला श्री क्षेत्र शिर्डीकडे प्रस्थान करणार आहे.

सामाजिक व धार्मिक कार्याची आवड असणारे चंदूभाऊ साडे यांच्या प्रयत्नातून ह्या पालखीची सुरुवात झाली असून यंदा पालखीचे 20 वे वर्ष आहे. 2026 मध्ये साई पालखीचे अध्यक्ष युवा उद्योजक व युवानेते हर्षद निकम हे असून त्यांनी पालखी सोहळा मिरवणुकीचे सगळे नियोजन वेळेत पूर्ण केल्याचे सांगितले आहे. तसेच सर्व साई भक्तांना शोभायात्रा मिरवणुकीत सहभागी होण्यासाठी निमंत्रित केले आहे. यावर्षी देखील शोभायात्रा मिरवणुकीत परराज्यातून आलेले कलाकार देवी-देवतांचे वेगवेगळ्या वेशभूषा आणि कलाकृती सादर करतांना दिसणार आहे. कांतारा, कथकली नृत्य, पंधरा फुटी चालणारे साईबाबा, शंकर पार्वती तसेच आघोरी कलाकार आणि वाद्यांचा आवाज हे पालखी मिरवणूक सोहळ्याची शोभा वाढवणार आहे. साई पालखी शोभायात्रा सोमवार पेठ, देवळाली गाव येथून बिटको पॉईंट आणि पुढे छत्रपती शिवाजी महाराज पुतळा, नाशिकरोड येथे जाऊन समाप्त होणार आहे. त्यानंतर पालखी पदयात्रा पुढे शिर्डीकडे प्रस्थान करणार आहे.