15 डिसेंबर मध्यरात्रीपासून ते 29 डिसेंबर रात्री 12 वाजेपर्यंत शहरात शस्त्र व जमावबंदी आदेश जारी

आदेशाचे उल्लंघन केल्यास संबंधितावर महाराष्ट्र पोलीस कायदा 1951 चे कलम 135 अन्वये कारवाई करण्यात येईल..

पोलीस वार्ता, नाशिक : राज्यातील कायदा व सुव्यवस्था अबाधित राखण्यासाठी नाशिक शहर पोलीस आयुक्त संदीप कर्णिक यांनी नाशिक शहर कार्यक्षेत्रात 15 डिसेंबर 2025 रोजी मध्यरात्रीपासून ते 29 डिसेंबर 2025 रोजी रात्री 12 वाजेपर्यंत शस्त्र व जमावबंदी आदेश जारी केले आहेत.

संबंधित आदेश लग्नकार्य, मिरवणुका, तालुका आठवडे बाजार किंवा प्रेतयात्रेच्या जमावास लागू राहणार नाहीत. तसेच हा आदेश पोलीस अधिकारी, कामावर असलेल्या इतर शासकीय अधिकारी, कर्मचारी यांना तसेच सभा अगर मिरवणुका काढण्यास रितसर परवानगी घेतली असलेल्या व्यक्तींना लागू नाही. या आदेशाचे उल्लंघन केल्यास संबंधितावर महाराष्ट्र पोलीस कायदा 1951 चे कलम 135 अन्वये कारवाई करण्यात येईल असे शहर पोलीस आयुक्तांनी जारी केलेल्या आदेशात म्हटले आहे.