प्रादेशिक परिवहन कार्यालयाकडून वाहतूक नियमांचे उल्लंघन करणाऱ्यांवर कारवाई मोहीम!

मोहीम यापुढेही सुरू राहणार असून कारवाई चालूच राहणार आहे. वाहतुकीच्या नियमांचे पालन करावे..

पोलीस वार्ता, नाशिक : राज्यातील वाहतूक नियमांचे उल्लंघन करून विना नंबर प्लेट, विना रिफ्लेक्टर, विना टेल लाईट/ब्रेक लाईट चालणाऱ्या डम्पर वाहनांविरोधात प्रादेशिक परिवहन कार्यालय(RTO), नाशिक यांच्या कडून दि. 21 एप्रिल 2026 पासून विशेष मोहीम राबविण्यात येत आहे. या मोहिमेत आता पर्यंत 89 डम्पर वाहनांवर कारवाई करण्यात आली असून एकूण 6 लाख 66 हजार 200 रुपये इतका दंड संबंधितांवर आकारण्यात आला असल्याची माहिती प्रादेशिक परिवहन अधिकारी प्रदीप शिंदे यांनी दिली आहे.

मोहीम यापुढेही सुरू राहणार असून कारवाई चालूच राहणार आहे. वाहतुकीच्या नियमांचे पालन करावे. नियमाचे उल्लंघन करून वाहन चालवू नये अन्यथा मोटार वाहन कायद्यांतर्गत आरटीओ नाशिक यांच्या कडून कारवाई करण्यात येईल.