आरोपी अजय शिंदे सुयश हॉस्पीटल मागील मनपा शाळेसमोरील रस्त्याने चालत येतांना दिसताच गुन्हेशाखेने त्याला तांब्यात घेतले..
पोलीस वार्ता, नाशिक : शहर परिसरातील चोरी, घरफोड्या तसेच विविध गुन्ह्यातील फरार आरोपींचा शोध घेऊन कारवाई करण्याचे आदेश नाशिक शहर पोलीस आयुक्त संदिप कर्णिक यांनी शहर पोलीस गुन्हेशाखा व संबंधित पोलीस ठाण्यांना दिले होते.
त्या अनुषंगाने मुंबई नाका पोलीस ठाण्यात दि.27 मार्च 2026 रोजी दाखल गुन्हा झाला होता. या गुरनं- 142/2026 भा.न्या.सं.कलम 137(2), 64(1) (2) (I), (M) तसेच बालकांचे लैंगिक संरक्षण अधिनियम 2012 चे कलम 4, 6 प्रमाणे सदर दाखल गुन्ह्यातील आरोपींचा शहर पोलीस गुन्हे शाखा -1 कडून शोध घेतला जात असतांना गुन्हेशाख्याचे पोह. संदिप भांड व मिलींदसिंग परदेशी यांना गुप्त बातमी मिळाली की, सदर आरोपीचे नाव अजय शिंदे असून हा मुंबई नाका परिसरातील सुयश हॉस्पीटल जवळ येणार आहे. ही माहिती शहर गुन्हेशाखा -1 चे वपोनि डॉ.अंचल मुदगल यांना देऊन त्यांच्या मार्गदर्शनात पोह. प्रविण वाघमारे, प्रदिप म्हसदे, नाझीमखान पठाण, संदिप भांड, विशाल काठे, विशाल देवरे, प्रशांत मरकड, मिलींदसिंग परदेशी, अमोल कोष्टी, चालक पोअं. समाधान पवार यांचे पोलीस पथक तयार करून संबंधित माहितीच्या आधारे सुयश हॉस्पिटल परिसरात शोध घेण्यासाठी पाठवण्यात आले.
