33 घरगुती गॅस सिलिंडर, 13 व्यवसायीक गॅस सिलेंडर, 2 बेकायदेशीर रित्या गॅस भरण्याचे मशिन, 2 ईलेक्ट्रीक वजन काटे जप्त..
पोलीस वार्ता, नाशिक : जगात सुरू असलेल्या इराण देशांच्या युध्दामुळे भारतात घरगुती व व्यावसायिक गॅसचा तुटवठा निर्माण झालेला असतांना नाशिक शहरात अवैधरित्या घरगुती गॅस व व्यावसायिक गॅस सिलेंडर मध्ये गॅसचा काळा बाजार करणाऱ्या आरोपींचा शोध घेत त्यांच्यावर कारवाई करण्याचे आदेश नाशिक शहर पोलीस आयुक्त मा.संदीप कर्णिक आणि दिले आहेत.
त्यानुसार शहरात शोध घेत असताना शहर पोलीस गुन्हेशाखा युनिट-1 च्या पोह. नाझीमखान पठाण व संदिप भांड यांना गुप्त बातमी मिळाली की, काही लोक संशयितरित्या भद्रकाली येथील कुट्टी बाजार येथे असलेल्या एका पत्राच्या शेडमध्ये घरगुती वापराचे LPG गॅस सिलेंडर मधील गॅस त्यांचे कडील साहित्य साधनांच्या मदतीने व्यवसायीक गॅस सिलेंडर मध्ये धोकदायक पद्धतीने आणि बेकायदेशीर पणे भरत आहेत. बातमीची खात्री करून सदर माहिती शहर पोलीस गुन्हेशाखा युनिट-1 च्या वपोनि. डॉ.अंचल मुदगल यांना देऊन त्यांच्या मार्गदर्शनात पोउनि. चेतन श्रीवंत, पोह. प्रविण वाघमारे, संदिप भांड, नाझीमखान पठाण, प्रदिप म्हसदे, प्रशांत मरकड, विशाल देवरे, योगीराज गायकवाड, देविदास ठाकरे, विशाल काठे, पोअं. अमोल कोष्टी, मुक्तार शेख, जगेश्वर बोरसे, मपोअं. अनुजा येलवे यांचे पथक आणि भद्रकाली पोलीस ठाण्यातील सपोनि सत्यवान पवार, पोह. सतीश साळुंके, कयुम अली सैयद, अविनाश जुंदरे, प्रभाकर आहेर, पोअं. सागर निकुंभ, निलेश विखे, अविनाश थेटे यांचे पोलीस पथक यांनी संयुक्तरित्या भद्रकालीतील कुट्टी बाजार येथील पत्राच्या शेडमध्ये छापा टाकला.
त्याठिकाणी बातमी प्रमाणे बेकायदेशीर पणे गॅस भरण्याचे काम चालू होते. तब्बल 33 घरगुती एलपीजी गॅस सिलिंडर, 13 व्यवसायीक गॅस सिलेंडर आणि 2 बेकायदेशीर रित्या गॅस भरण्याचे मशिन, 2 ईलेक्ट्रीक वजन काटे साहित्य व 1 तीन चाकी अप्पे मालवाहू वाहन असा एकुण 3,15,400/- रूपये किंमतीचा मुद्देमाल मिळून आल्याने तो जप्त करण्यात आला आहे. यावेळी मिळून आलेले आरोपी 1)संदिप संतोष चव्हाण (वय-28), रा- भिमवाडी, गंजमाळ, नाशिक 2)आसिफ अहमद शेख, (वय-36), रा- हॅपीहोम कॉलनी, नाशिक 3)अनिल लहु घोडे, (वय-29), रा- आम्रपाली रोड, कॅनलरोड, उपनगर, नाशिक 4)संतोष अशाक पटेकर (वय-28), रा- आम्रपाली रोड, कॅनल रोड, उपनगर, नाशिक यांच्या विरुध्द सरकारच्या वतीने भद्रकाली पोलीस ठाण्यात गुन्हा दाखल करण्यात आला असून पुढील तपास भद्रकाली पोलीस ठाणे करीत आहे.
