चोरट्याने विद्युत पोलवरील 100 kv डीपीचा ट्रान्सफॉर्मर खाली पाडून त्यातील 80 किलो वजनाची कॉपरची कॉईल चोरली..
पोलीस वार्ता, राजापूर | भोर तालुक्यातील राजापूर येथे शेतातील 100 kv क्षमतेच्या विद्युत ट्रान्सफॉर्मरची तोडफोड करून त्यातील तब्बल 80 किलो वजनाची कॉपर कॉइल चोरून नेल्याची घटना उघडकीस आली आहे. या याप्रकरणी राजगड पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी गोरक तुकाराम भिसे, वय-31 वर्षे, रा. वडगाव डाळ, ता.भोर, पुणे यांनी राजगड पोलीस ठाण्यात तक्रार दिली की, दि. 11 ऑगस्ट 2026 रोजी सायं 6:00 वाजेपासून ते दि. 12 ऑगस्ट 2023 रोजी सकाळी 9:00 वाजेपर्यंतच्या कालावधीत मौजे राजापूर, ता.भोर, जि.पुणे येथील पांडुरंग कारळे यांच्या शेतात चोरीची घटना घडली. अज्ञात चोरट्याने विद्युत पोलवरील 100 kv डीपीचा ट्रान्सफॉर्मर खाली पाडले त्यातील ऑईल देखील सांडले. त्यानंतर ट्रान्सफॉर्मरमधील 80 किलो वजनाची कॉपरची कॉईल चोरून नेली. या कॉइलची अंदाजे किंमत 32 हजार रुपये आहे.
