कापूरहोळ पुलाखाली अज्ञात युवकाचा मृतदेह, पोलिसांकडून तपास सुरु..

युवकाचा मृत्यू हा अपघात आहे की घातपात याबाबत अद्याप कोणतीही माहिती समोर आली नाही..

पुणे, भोर | कापूरहोळ परिसरात पुलाखाली एका अज्ञात युवकाचा मृतदेह आढळून आल्याने एकच खळबळ उडाली आहे. रविवारी दिनांक 9 ऑगस्ट रोजी दुपारच्या सुमारास ही घटना निदर्शनास आली. त्यानंतर नागरिकांनी घटनास्थळी मोठी गर्दी केली होती.

राजगड पोलिसांना घटनेची माहिती मिळताच ते घटनास्थळी आले. त्यानंतर मृतदेह ताब्यात घेण्याची प्रक्रिया करून मृत युवकाची ओळख पटविण्याचे काम पोलिसांकडून सुरू आहे. दरम्यान, युवकाचा मृत्यू नेमका कोणत्या कारणामुळे झाला, हा अपघात आहे की घातपात याबाबत अद्याप कोणतीही माहिती समोर आलेली नाही. घटनेनंतर कापूरहोळ परिसरात विविध चर्चां सुरू झाल्या असून राजगड पोलिसांच्या तपासानंतरच नेमके कारण स्पष्ट होईल.