महिला पोलीस हवालदार व बोगस पत्रकाराच्या मदतीने त्यांच्या बॅगेतील रोख रक्कम 20 लाख रुपये काढून घेतल्याचा आरोप करण्यात आला..
पोलीस वार्ता, पुणे | नवले पूल भागात दि.18 जुलै रोजी घडलेल्या एका व्यवसायिकाच्या एक कोटीच्या दरोडा प्रकरणात पुणे ग्रामीण पोलिसांनी या घटनेत बोगस पत्रकार नाव आशिष तिवारी याला दि.24 जुलै रोजी रात्री अटक केली. तसेच राजगड पोलीस ठाण्याच्या अंतर्गत असलेल्या खेड शिवापूर पोलीस चौकीतील महिला पोलीस हवालदार प्रमिला शरद निकम आणि पोलीस नाईक अजिज जब्बार इसुब मेस्त्री या दोघांना देखील सहआरोपी करण्यात आले आहे. सध्या दोघे पोलीस कर्मचारी फरार झाले असून त्यांचा शोध सुरू आहे. तिवारी याला न्यायालयाने 27 जुलैपर्यंत पोलीस कोठडी मिळाली आहे.
या प्रकरणात एकूण 9 जणांवर गुन्हा दाखल झाल्यानंतर 1) विक्रम विलास चाकणकर, वय 44 वर्षे. 2)अमेय अरविंद कार्ले, वय 46 वर्षे. 3)गणेश रमेश कदम वय 33 वर्षे. सर्व राहणार धायरी या तिघांना अटक केली होती. त्यानंतर पोलीस आयुक्त अमितेश कुमार यांनी या प्रकरणाची सखोल चौकशी करण्याचे आदेश पोलीस उपायुक्त सागर कवडे यांना दिले होते. याबाबत हर्षवर्धन भूषण पवार वय 35 वर्षे, रा. कृष्णकृपा अपार्टमेंट, तपोधाम कॉलनी, तळेगाव दाभाडे यांच्या दिलेल्या फिर्यादीवरून नऱ्हे पोलीसांनी व्यावसायिक पवार यांना पोलीस चौकीत घेऊन आल्यानंतर तेथील महिला पोलीस हवालदार व बोगस पत्रकाराच्या मदतीने त्यांच्या बॅगेतील रोख रक्कम 20 लाख रुपये काढून घेतल्याचा आरोप करण्यात आला. आणि बाकीचे साडेसहा लाख रुपये जप्त मुद्देमालात दाखविण्याचा त्यांचा प्रयत्न होता.
