भुसावळ बाजारपेठ पोलीस स्टेशन तर्फे ‘ऑपरेशन मुस्कान”

भुसावळ – शहरातील हरविलेल्या बेघर किंवा बालमजुरीमध्ये अडकलेल्या बालकांचा शोध घेण्याची मोहीम अतंर्गत पोलीस अधिक्षक डॉ.महेश्वर रेड्डी यांचे आदेशान्वये अपर पोलीस अधिक्षक अशोख नखाते , भुसावळ उपविभागीय पोलीस अधिकारी केदार बारबोले यांच्या मार्गदर्शनाखाली पोलीस निरीक्षक राहूल वाघ यांनी पथक प्रमुख पोलीस उपनिरीक्षक भारती काळे, पोहेकॉ नितीन सपकाळे,पोहेकॉ भाऊसाहेब पाटील, महिला पोहेकॉ सिमा चौधरी, महिला पोकॉ प्रियंका भोसले अशाचे विशेष पथकांची स्थापना करून सदर पथकाने भुसावळ रेल्वे स्टेशन, बस स्थानक, स्टेशन परीसर, अहील्यादेवी कन्याशाळा, नाहाटा चौफुली व भुसावळ शहरातील विविध गर्दीच्या ठिकाणी लहान मुले यांच्या शोध घेतला व त्यांना त्याचे पालकांची माहीती विचारून, त्यांचेकडून कोणी बालमजुरी करून घेत आहेत काय त्याबाबत माहीती प्राप्त करून योग्य ती कायदेशीर कार्यवाही करण्यात आली आहे.सदरची मोहीम भुसावळ बाजारपेठ पोस्टे हद्दीत ता.४ फेब्रुवारी २०२६ पासून पुढे सुरु झाले आहे.यात निश्चीत जे मुले हरविलेले असतील त्यांना त्यांचे घरापर्यंत पोहचवुन “ऑपरेशन मुस्कान’ संकल्पना यशस्वी करण्याची जबाबदारी सदर पथकास सोपविण्यात आलेली आहे.आपणास आपल्या परीसरात कोणीही बेवारस पाल्य आढळून आल्यास कृपया भुसावळ बाजारपेठ पोस्टे फोन नं. 02582/222399 किंवा 112 वर तात्काळ संपर्क करण्याबाबत बाजारपेठ पोलीस स्थानकाचे पोलीस निरीक्षक राहुल वाघ यांनी कळविले आहे.