मतदान केंद्र परिसरातील शाळा व महाविद्यालयांना 1 व 2 डिसेंबर रोजी सार्वजनिक सुट्टी जाहीर!

मतदान प्रक्रिया ही 2 डिसेंबर 2025 रोजी सकाळी 7.30 वाजेपासून सायंकाळी 5.30 वाजेपर्यंत पार पडणार आहे..

पोलीस वार्ता, नाशिक : जिल्ह्यातील 11 नगरपरिषदांच्या वर्ष 2025 साठीच्या सार्वत्रिक निवडणूक कार्यक्रम जाहीर झाला असून त्यानुसार प्रत्यक्ष मतदान प्रक्रिया ही 2 डिसेंबर 2025 रोजी सकाळी 7.30 वाजेपासून सायंकाळी 5.30 वाजेपर्यंत पार पडणार आहे. त्यासाठी मतदान केंद्रांवर नियुक्त असलेल्या शासकीय अधिकारी/कर्मचारी यांनी मतदान साहित्य घेवून मतदानाच्या एक दिवस आगोदर म्हणजे 1 डिसेंबर 2025 रोजी मतदान केंद्रावर सर्व पूर्व तयारी पूर्ण करून घ्यावी.

या अनुषंगाने जिल्ह्यातील इगतपुरी, नांदगाव, त्र्यंबक, येवला, सिन्नर, सटाणा, चांदवड, भगुर, ओझर, पिंपळगाव बसवंत व मनमाड या 11 नगरपरिषद क्षेत्रातील मतदान केंद्र असलेल्या परिसरातील संबंधित शासकीय शाळा/विद्यालय/ महाविद्यालय यांना सोमवार 1 डिसेंबर व मंगळवार 2 डिसेंबर 2025 रोजी सार्वजनिक सुट्टी जाहीर करण्याचे आदेश नाशिक जिल्हाधिकारी आयुष प्रसाद यांनी दिले आहे.