धर्मादाय आयुक्त विभागाची परवानगी न घेता कोणतेही मंडळ वर्गणी गोळा करीत असेल तर होणार दंडात्मक कारवाई..
पोलीस वार्ता, नाशिक : सार्वजनिक गणेशोत्सव 2025 करिता गणेश मंडळांनी वर्गणी गोळा करण्यासाठी धर्मादाय आयुक्त कार्यालयाची परवानगी घेणे आवश्यक असल्याचे, दि.13 ऑगस्ट 2025 रोजी प्रसिद्धी पत्रकारद्वारे नाशिक विभागाच्या धर्मादाय उपआयुक्त प्रणिता श्रीनिवार यांनी जाहीर केले आहे. गणेश भक्तांनी अथवा गणेश मंडळांनी धर्मादाय आयुक्त कार्यालयाच्या संकेतस्थळावर नियम, अटीनुसार अर्ज करून परवानगी घ्यावी असे निर्देश दिले आहे.
महाराष्ट्र सार्वजनिक विश्वस्त व्यवस्था अधिनियम, 1950 चे कलम 41-अ प्रमाणे धार्मिक किंवा धर्मादाय प्रयोजनाकरिता कोणताही पैसा, वर्गणी, देणगी किंवा इतर मालमत्ता गोळा करणारी कोणतीही व्यक्ती (अशी व्यक्ती या अधिनियान्वये नोंदणीकृत सार्वजनिक विश्वस्त व्यवस्था नसेल) अशा ज्या प्रयोजनासाठी अशी वसुली करीत असेल त्याबाबत धर्मादाय आयुक्त कार्यालयास कळविणे बंधनकारक असून धर्मादाय आयुक्तास अटी शर्तीच्या अधीन राहून व योग्य वाटल्यास परवानगी देण्यात येईल.
