राज्याच्या पोलीस विभागात 2024 पर्यंत रिक्त झालेले आणि 2025 मध्ये रिक्त होणारे पद या दृष्टीने ही भरती होत आहे..
पोलीस वार्ता, नाशिक : मंत्रिमंडळ बैठकीत आज मुख्यमंत्री देवेंद्र फडणवीस यांच्या अध्यक्षतेत 2024-2025 च्या शिपाई भरती प्रक्रियेस मान्यता देण्यात आली. महाराष्ट्र पोलीस दलातील सुमारे 15 हजार पदाची भरती होणार आहे.
विशेष बाब म्हणून वयोमर्यादा ओलांडलेल्या उमेदवारांनाही अर्ज करता येणार आहे व भरती प्रक्रियेत सहभागी होता येणार आहे. या भरतीमध्ये सन 2022 व 2023 मध्ये वयोमर्यादा संपलेले उमेदवार अर्ज करू शकता. राज्याच्या पोलीस विभागात 2024 पर्यंत रिक्त झालेले आणि 2025 मध्ये रिक्त होणारे पद या दृष्टीने ही भरती होत आहे.
-
पदांची नावे व संख्या..
पोलीस शिपाई – 12,399, पोलीस शिपाई चालक – 234, बॅण्डस् मॅन – 25, सशस्त्र पोलीस शिपाई – 2, हजार 393, कारागृह शिपाई – 580
अशी एकूण 15,631 पोलीस शिपाई व कारागृह शिपाई ही पदे गट – क संवर्गातील आहेत. पोलीस शिपाई भरती प्रक्रिया त्या-त्या जिल्हा स्तरावरून राबविण्यात येते. त्यासाठी ओएमआर (OMR) आधारित लेखी परीक्षा घेण्यात येईल.
भरतीसाठी अर्ज मागवणे, अर्जाची छाननी, त्यावर प्रक्रिया तसेच उमेदवारांची शारिरीक परीक्षा, त्यातून पात्र उमेदवारांची लेखी परीक्षा यासाठी अनुषांगिक प्रक्रिया राबविण्याचे अधिकार प्रशिक्षण व खास पथके विभागाचे अतिरिक्त पोलीस महासंचालकांना देण्यासही बैठकीत मान्यता देण्यात आली.
