मुंबईत टपाल विभागाच्यावतीने पेन्शन अदालतचे 5 मार्चला आयोजन, अर्ज सादर करण्याचे आवाहन!

14 फेब्रुवारी 2025 पर्यंत अर्ज सादर करावे, निवृत्तीवेतनधारकांनी अर्जाच्या चार प्रती पाठवाव्यात..

पोलीस वार्ता, नाशिक : मुंबई, महाराष्ट्र सर्कल स्थित मुख्य पोस्ट मास्टर जनरल यांच्यावतीने टपाल विभागातील निवृत्तीवेतनधारक आणि त्यांच्या कुटुंब धारकांसाठी 56 वी पेन्शन अदालत ही 5 मार्च 2025 रोजी, सकाळी 11.30 वाजता मुंबई येथे आयोजित करण्यात आली आहे.

यासाठी 14 फेब्रुवारी 2025 पर्यंत अर्ज सादर करावे असे प्रवर अधीक्षक डाकघर, नाशिक विभाग, नाशिक यांनी दि.12 फेब्रुवारी 2025 रोजी प्रसिद्धीस दिलेल्या पत्रकान्वये जाहीर केले आहे.

• टपाल निवृत्तीवेतनधारकांच्या लाभाशी संबंधित असलेल्या तक्रारी ज्यात..

1) जे टपाल विभागातून निवृत्त झाले आहेत.

2) ज्यांचा सेवेत असताना मृत्यू झाला आहे.

3) टपाल विभाग, महाराष्ट्र आणि गोवा राज्याचे निवृत्तीवेतनधारक ज्यांचे तीन महिन्यांच्या आत पूर्तता झालेली नाही.

अशा प्रकरणांचा डाक पेन्शन अदालतमध्ये विचार केला जाणार आहे. याचे आयोजन मुंबईत, मुख्य पोस्ट मास्टर जनरल, महाराष्ट्र सर्कल येथे केले गेले आहे.

निवृत्तीवेतनधारकांनी अर्जाच्या चार प्रती पाठवाव्यात, ज्या लेखा अधिकारी/सचिव, पेन्शन अदालत, मुख्य पोस्ट मास्तर जनरल कार्यालय, महाराष्ट्र सर्कल, मुंबई, जीपीओ भवन, दुसरा मजला, मुंबई- 400001 या पत्यावर पोस्ट कराव्या किंव्हा द्याव्या. असे प्रवर अधीक्षक डाकघर यांनी सांगितले आहे.