दिल्लीतील नेहरू नगरमध्ये रक्तरंजित खेळ, भावानेच केला भावाचा खून!

गुरुवारी रात्री 1.30 च्या सुमारास 26 वर्षीय अभिषेकने मारामारीदरम्यान अक्षयवर गोळीबार केला..

पोलीस वार्ता, नवी दिल्ली : गुरुवारी, राष्ट्रीय राजधानी दिल्लीतील नेहरू नगर भागात एका 18 वर्षीय विद्यार्थ्याची त्याच्या मोठ्या भावाने गोळ्या झाडून हत्या केली. पोलिसांनी सांगितले की, शूटर अभिषेक अमनने अक्षय कश्यपला सफदरजंग हॉस्पिटलमध्ये नेले आणि त्यानंतर तो फरार झाला. मात्र, नंतर हिस्ट्रीचीटर अभिषेकला अटक करण्यात आली.

पोलिसांनी सांगितले की, शुक्रवारी सकाळी 6:10 वा. हॉस्पिटलमधून कोणीतरी गोळी लागल्याची बातमी मिळाली आणि लाजपत नगर पोलिस स्टेशनचे एक पथक घटनास्थळी पाठवण्यात आले. एका पोलीस अधिकाऱ्याने सांगितले की, ‘अक्षयला गोळी लागल्याने त्याच्या भावाने रुग्णालयात दाखल केले होते, त्यानंतर उपचारादरम्यान त्याचा मृत्यू झाल्याचे अहवालात म्हटले आहे.

पोलिसांनी दिलेल्या माहितीनुसार, गुरुवारी दि. 6 फेब्रुवारी, रात्री 1.30 च्या सुमारास 26 वर्षीय अभिषेकने मारामारीदरम्यान अक्षयवर गोळीबार केला, ज्यामुळे डोक्याला गंभीर दुखापत झाली. गोळ्यांचे तुकडे त्याची आई मोहिनीच्या कपाळावरही लागले, परंतु तिला किरकोळ दुखापत झाली.

अभिषेकचे नाव लाजपत नगर पोलिस ठाण्यात ‘बदमाश’ म्हणून नोंदवले गेले असून त्याच्यावर चार गुन्हे दाखल आहेत. अभिषेकविरुद्ध खुनाचा गुन्हा दाखल करण्यात आल्याचे अधिकाऱ्याने सांगितले.

✍️पोलीस वार्ता संपादक: उमेश फिरके, नाशिक, संपर्क- 9637519059