पाटबंधारे विभाग एक महिन्यात अहवाल सादर करणार

भुसावळ – तालुक्यातील दर्यापूर येथील सामाजिक कार्यकर्ते संजय त्रिलोकनाथ खन्ना यांनी पाटबंधारे विभागाचे सेवानिवृत्त कार्यकारी अभियंता एस आर.पाटील यांनी एक कोटी पंचवीस लाख रुपयांची खंडणीची मागणी केल्याबाबत चौकशीचे पत्र जळगांव येथील प्रशासक लाभक्षेत्र विकास प्राधिकरण पाटबंधारे अधीक्षक अभियंता कार्यालयात ३ फेब्रुवारी रोजी देवून ठिय्या आंदोलन केले.या आंदोलनात मागणी केलेल्या माहिती प्रशासक लाभक्षेत्र विकास प्राधिकरण पाटबंधारे यांच्याकडे उपलब्ध नसल्याने समाजिक कार्यकर्ते संजय खन्ना यांना सदरील माहिती एक महिन्यात उपलब्ध करून देणार असल्याचे पत्र वरीष्ठ अधिकारी यांच्या आदेशान्वये ३ फेब्रुवारी रोजी सहाय्यक अधीक्षक अभियंता लाभक्षेत्र विकास प्राधिकरण जळगांव तू.सु.महाजन यांनी  देवून ठिय्या आंदोलनाला स्थगिती देण्यास सांगितले..मात्र समाजिक कार्यकर्ते संजय खन्ना यांना एक महिन्यात मागणी केलेली माहिती लाभक्षेत्र विकास प्राधिकरण जळगांव यांनी उपलब्ध करून न दिल्यास खन्ना कायदेशीर न्यायालयात गुन्हा दाखल करणार असल्याची माहिती दिली.