1 जानेवारी 2025 पासून ते 12 जानेवारी 2025 पर्यंत चालणाऱ्या या उपक्रमात विद्यार्थ्यांना दररोज दुपारी 2 ते सायंकाळी 9 या वेळेत ऑनलाईन माध्यमातून करिअर संदर्भात मोफत मार्गदर्शन..
पोलीस वार्ता, नाशिक : दहावी आणि बारावीच्या विद्यार्थ्यांसाठी नाशिक येथील ‘जीवन केशरी मराठी विद्यार्थी समूह’ यांच्याकडून विशेष ऑनलाईन करिअर मार्गदर्शन उपक्रम आयोजित करण्यात आला आहे. 1 जानेवारी 2025 पासून ते 12 जानेवारी 2025 पर्यंत चालणाऱ्या या उपक्रमात विद्यार्थ्यांना दररोज दुपारी 2 ते सायंकाळी 9 या वेळेत ऑनलाईन माध्यमातून करिअर संदर्भात मोफत मार्गदर्शन दिले जाणार आहे.
विद्यार्थ्यांच्या करिअर विषयक शंका दूर करणे, संभ्रम मिटवणे आणि त्यांना शैक्षणिक दृष्ट्या योग्य दिशा प्रदान करणे हा या उपक्रमाचा मुख्य उद्देश आहे. या उपक्रमांतर्गत सायन्स, आर्ट्स, कॉमर्स या शाखांची निवड कशी करावी याचे मार्गदर्शन दिले जाणार आहे. तसेच इंजिनिअरिंग, मेडिकल, चार्टर्ड अकाउंटंट (CA), लॉ यांसारख्या व्यावसायिक अभ्यासक्रमांबाबत सविस्तर माहिती दिली जाणार आहे.
आधुनिक तंत्रज्ञान क्षेत्रातील डेटा सायन्स, सायबर सिक्युरिटी, मशीन लर्निंग यांसारख्या करिअर संधींचेही मार्गदर्शन करण्यात येणार आहे. याशिवाय UPSC, MPSC, बँकिंग, पोलीस भरती अशा स्पर्धा परीक्षांची तयारी कशी करावी, याचेही सखोल मार्गदर्शन केले जाईल. पत्रकारिता, संगीत, नाट्य आणि क्रीडा क्षेत्रांतील करिअर संधींचीही माहिती देण्यात येणार आहे.
विद्यार्थ्यांनी त्यांचे प्रश्न व्हाट्सअप क्रमांक 9529195688 किंवा ईमेल आयडी jivankeshrimarathi@gmail.com वर पाठवावेत. विद्यार्थ्यांच्या प्रश्नानुसार व त्यांच्या अडचणी लक्षात घेऊन योग्य त्या विषयातील तज्ज्ञांकडून 24 ते 48 तासांमध्ये मार्गदर्शन मिळवून दिले जाईल. दहावी-बारावीच्या मागील वर्षीच्या सराव प्रश्नपत्रिकाही पीडीएफ(PDF) स्वरूपात मोफत उपलब्ध करून दिल्या जातील.
