भुसावळ – तालुक्यातील साकेगांव येथील हॉटेल वरुण येथील मॅनेजर यांना ग्राहकाने दारूची बाटली मागितली असता न दिल्याने या गोष्टीचा राग आल्याने मॅनेजर यांच्या डोक्यात बाटली मारून गंभीर दुखापत केली तसेच हॉटेल मधील दारूच्या बाटल्या व सामानाचे नुकसान करीत वीस ते पंचवीस हजार रुपये सोबत घेवून हॉटेल वरुणवर राडा करणारे चौदा जणांविरुद्ध तालुका पोलीस स्टेशनला ता.२४ रोजी गुन्हा दाखल करण्यात आला आहे.
तालुका पोलीस स्टेशन हद्दीतील हॉटेल वरुण येथे ता.२२ रोजी कुणाल अहिरे ( पूर्ण नाव माहीत नाही) यांनी मॅनेजर सुमित इंगळे यांना दारूची बाटली मागितली असता न दिल्याने या गोष्टीचा राग धरून जीवेठार मारण्याच्या उद्देशाने डोक्यात दारूची बाटली मारून गंभीर दुखापत केली तसेच सोनू मस्के,नवीन लोखंडे,अमोल भुसारी व आठ ते दहा जणांनी मिळून हॉटेल मधील स्टाफ यांना शिवीगाळ करून मारहाण केली तसेच हॉटेल चे समोर एक ते दीड लाखांचे नुकसान करून मॅनेजर यांनी हॉटेल मध्ये ठेवलेले वीस ते पंचवीस हजार रुपये बळजबरीने सोबत घेवून गेले तसेच हॉटेल मध्ये लावलेले सी.सी.टीव्ही कॅमेरेचे फुटेज डी व्ही आर चे मशीन सोबत घेवून गेले म्हणून फिर्यादी सुमित सुभाष इंगळे यांनी दिलेल्या फिर्यादीवरून तालुका पोलीस स्टेशनला गुन्हा दाखल करण्यात आला आहे.गुन्ह्याचा अधिक तपास सहाय्यक पोलीस निरीक्षक नंदकिशोर काळे करीत आहे.
