भुसावळ शहरातील जामनेर रोडवरील छत्रपती शिवाजी महाराज संकुलनात व्यायाम शाळेच्या आडोशाला सार्वजनिक जागी एक इसम सट्टा बंद असतांना सुद्धा अवैधरीत्या स्वीकारतांना पोलिसांना मिळून आले.त्यांच्या ताब्यातून २१३० रुपये रोख व सट्टा जुगारांचे साहित्य जप्त केले.
शहरातील अवैध धंदे ता.२६ जानेवारी पर्यत बंद करण्यासाठी राष्ट्रवादी शरदचंद्र पवार गटातर्फे पोलीस प्रशासनाला निवेदन देण्यात आले होते.या पाश्वभूमीवर पोलीस प्रशासनाने अवैध धंदे करणाऱ्यांवर कारवाई सुरू केली असून जामनेर रोडवरील छत्रपती शिवाजी महाराज संकुलनात व्यायाम शाळेच्या आडोशाला सार्वजनिक जागी संशयित श्यामलाल दैलतसिंग बजाज (वय.५६) राहणार नानक नगर सिंधी कॉलनी भुसावळ हा सट्टा बंद असतांना लोकांकडून पैसे स्वीकारून सट्टा जुगाराचे खेळ खेळतांना मिळून आले.पोलिसांनी संशयितास ताब्यात घेतले असून त्यांच्या कब्जातुन २१३० रुपये रोख व सट्टा जुगार साहित्य जप्त केले.पोलीस निरीक्षक राहुल वाघ यांच्या मार्गदर्शनाखाली अवैध धंद्याविरुद्ध सतत कारवाई सुरू राहणार आहे.पोलीस कर्मचारी भूषण चौधरी यांनी दिलेल्या फिर्यादीवरून बाजारपेठ पोलीस स्टेशनला ता.५ रोजी गुन्हा दाखल करण्यात आला आहे.
चौकट …
भुसावळ शहरातील गुन्हेगारी कायमची संपवण्यासाठी तसेच अवैध धंदे बंद करण्यासाठी राष्ट्रवादी काँग्रेस पार्टी (शरदचंद्र गट) तर्फ़े अनेकांचे संसार उध्वस्त होवू नये यासाठी एक ठोस पावूल उचलण्यात आले असून पोलीस प्रशासनाला निवेदन देण्यात आले.या अनुषंगाने पोलीस प्रशासनाने अवैध धंदे वाल्यांवर कारवाई सुरू केली आहे.गेले दहा दिवसांपासून अवैध धंदे बंद असल्याने चालक – मालक कावरे – बाबरे झाल्याने पोलीस स्टेशनला धंदे सुरू करण्यासाठी येरझाऱ्या मारत आहे.तसेच अवैध धंदे सुरू करण्यासाठी वेगवेगळे आमिष दाखवून सेटिंग लावण्याचा प्रयत्न करतांना दिसत आहे.
