मतदान करून लोकशाहीच्या या उत्सवामध्ये सहभाग नोंदवावा – निवडणूक निर्णय अधिकारी जितेंद्र पाटील

भुसावळ – स्थानिक स्वराज्य संस्थेची निवडणूकिसाठी येत्या ता.२ रोजी मतदान जाणार आहे.सर्व मतदार यांना कळविण्यात येते की, मतदान केंद्रावर मतदान करताना, तीन मतपत्रिकांवरती एका नंतर एक असे एकूण तीन बटन दाबून आपल्याला मतदान करायचे आहे. पहिली मतपत्रिका नगराध्यक्ष पदासाठी असेल, दुसरी त्या प्रभागातील अ जागेसाठी असेल तर तिसरी मतपत्रिका त्या प्रभागातील ब जागेसाठी असेल.आपण प्रत्येक मतपत्रिकेवरील आपल्या पसंतीच्या उमेदवारासमोरील बटन एकदाच दाबून आपलं मत नोंदवायचं आहे. तिनी मतपत्रिकेवरती मत दिल्यानंतर बीप असा आवाज मशीन मधून येईल त्यानंतर आपले मतदान झाले असे समजण्यात येईल.मतदान जनजागृती कक्षाकडून सर्व मतदारांना विनंती करण्यात येते की, आपण मोठ्या संख्येने मतदान करून लोकशाहीच्या या उत्सवामध्ये सहभाग नोंदवावा असे आवाहन निवडणूक निर्णय अधिकारी जितेंद्र पाटील यांनी केले.