भुसावळ – शहरातील जामनेर रोडवरील हॉटेल अतिथी येथे सायंकाळी साडे सहा वाजेचे दरम्यान दोन महिला रूम भाडेतत्वावर घेण्यासाठी आले.दोघे महिलांना आधार कार्ड मागणी केली असता दोघे महिला बांगलादेशी असल्याने हॉटेल मालकाने दोघे महिलांना पोलीस स्टेशनला आणून पोलिसांच्या स्वाधीन केले.दोघे महिलांना ताब्यात घेवून ता.२७ रोजी अटक केली.
पश्चिम बंगाल येथून तानिया मुळाशीर अहमद वय.२६ राहणार हातीयापाड जिल्ह्या ढाका बांगलादेश, करिमाबोकुलमिया अख्तर वय.२२ राहणार मोरीच्या कन्नय्या नगर,बाव्हमबरिया, बांगलादेश या दोघे महिलांना दोन इसमांनी बॉर्डर पर्यत सोडले.त्यानंतर त्या महिला बॉर्डर क्रॉस करून कलकत्ता येथे आले. कलकत्त्याला दोन इसमांनी बनावट आधार कार्ड बनवून दोघे महिलांना मुंबई कडे जाणाऱ्या ट्रेन मध्ये बसवले.प्रवास सुरु असतांना महिलांना फोन आला मुंबई कडे जावू नका.त्या महिलांनी प्रवासाला मध्यंतरी विराम देवून भुसावळला उतरले व सायंकाळी साडे सहा वाजेला जामनेर रोड वरील हॉटेल अतिथी येथे रुम घेण्यासाठी आले.दोघे महिलांना आधारकार्ड मागितले असता त्या बांगलादेशी महिला असल्याने हॉटेल मालकाने दोघे महिलांना सरळ बाजारपेठ पोलीस स्टेशनला आणले व पोलिसांच्या स्वाधीन केले.
बांगलादेशी महिला भारतात येण्यासाठी आवश्यक असणारे कागदपत्रे न काढता अनधिकृत पणे भारतात प्रवेश केला म्हणून तानिया मुळाशीर अहमद वय.२६ राहणार हातीयापाड जिल्ह्या ढाका बांगलादेश, करिमाबोकुलमिया अख्तर वय.२२ राहणार मोरीच्या कन्नय्या नगर,बाव्हमबरिया, बांगलादेश तसेच दीदी पूर्ण नाव व पत्ता माहीत नाही , जलाल पूर्ण नाव व पत्ता माहीत नाही, सैफुल पूर्ण नाव व पत्ता माहीत नाही. यांच्याविरुद्ध सोपान पंडित पाटील यांनी दिलेल्या फिर्यादीवरून बाजारपेठ पोलीस स्टेशनला ता.२७ रोजी पहाटे चार वाजेला गुन्हा दाखल करण्यात आला.दोघे महिलांना अटक करण्यात आली असून न्यायालयात हजर केले असता ३० पर्यत पोलीस कोठडी सुनावली आहे.तर गुन्ह्यातील तीन साथीदार फरार आहे.गुन्ह्याचा अधिक तपास सहाय्यक पोलीस निरीक्षक अमितकुमार बागुल करीत आहे.सदरील प्रकरणी पोलीस निरीक्षक राहुल वाघ यांच्या मार्गदर्शनाखाली दोन पथके नेमणूक करण्यात आली असून दोघे पथके पुढील तपास कामी रवाना करण्यात आले.
