भुसावळ – शहरातील जळगांव रोड,राजस्थान मार्बल जवळील दिनेश टेन्ट हाऊसला अचानक सायंकाळी साडेचार ते पाच वाजेच्या दरम्यान भीषण आग लागल्याने लाखोंचे नुकसान झाल्याची घटना (ता.२७) रोजी घडली.कुशल राणे असे मालकांचे नाव आहे.
सविस्तर वृत्त असे की, सध्या लग्न सराईत सुरू असून व्यवसाय वाढवण्याच्या अनुषंगाने मागील महिन्यात दिनेश टेन्ट हाऊसचे मालक कुशल राणे यांनी दीड कोटी रुपयांच्या नवीन मालाची खरेदी केली असून याठिकाणी एक वयोवृद्ध व्यक्ती हा टेन्ट हाऊसच्या साहित्याची देखभाल करीत असल्याची प्राथमिक माहिती सूत्रांकडून मिळाली.मोबाईल चार्जिंग लावलेली असतांना शॉर्ट सर्किट झाल्याने दिनेश टेन्ट हाऊस मधील गादीला आग लागली व आगेने रुद्र रूप धारण केले यामध्ये अंदाजे ८० लाखाचे नुकसान झाल्याचे वृत्त हाती आले आहे. घटनास्थळी भुसावळ अग्निशमन दलाचे बंब १५ तर वरणगांव येथील एक ,खाजगी पाण्याचे ट्रॅक्टर अशांनी मिळून आगेवर दोन तासांनंतर नियंत्रण मिळवले.नेमका हा झालेला प्रकार संशयास्पद असल्याचे नागरिकांमध्ये चर्चेला उत्थान आले आहे.घटनास्थळी बाजारपेठ पोलीस स्टेशनचे निरीक्षक राहुल वाघ तसेच कर्मचाऱ्यांची पोहचून पाहणी केली.नेमकी आग कशामुळे लागली असावी याचा शोध घेण्याचे पोलीस प्रशासनांकडून सुरू आहे.आद्यपावतो पोलीस स्टेशनला कुठल्याही प्रकारचा गुन्हा दाखल करण्यात आलेला नाही.
