परभणी घटनेचे महाराष्ट्रातील विविध ठिकाणी पडसाद उमटले, नाशिक जिल्ह्यात ग्रामीण व शहरी भागात देखील ठिकठिकाणी निदर्शने व शासनाला निवेदने देण्यात आले.
पोलीस वार्ता, नाशिक : परभणी शहरात भारतरत्न डॉ.बाबासाहेब आंबेडकर यांच्या संविधान प्रतिकृतीचा अवमान झाल्यामुळे दोन दिवस तणावपूर्ण स्थिती निर्माण झाली होती. बुधवारी झालेल्या आंदोलनामुळे शहरातील विविध ठिकाणी व्यापाऱ्यांच्या प्रतिष्ठानांना तसेच साहित्याला मोठे नुकसान झाले. या हिंसक घटना लक्षात घेत पोलीस आणि जिल्हा प्रशासनाने त्वरित जमावबंदी आणि निमसंचारबंदी लागू केली, ज्यामुळे परिस्थितीवर नियंत्रण मिळवण्यात आले. गुरुवारी सकाळपासून शहरातील सर्व व्यवहार पूर्वपदावर आले असून स्थिती सध्या आटोक्यात आहे.
या घटनेचे महाराष्ट्रातील विविध ठिकाणी पडसाद उमटले, नाशिक जिल्ह्यात ग्रामीण व शहरी भागात देखील ठिकठिकाणी निदर्शने व शासनाला निवेदने देण्यात आले. पीपल्स रिपब्लिकन पार्टीच्या वतीने देखील नाशिकरोड महसूल आयुक्त येथे नाशिक विभागीय आयुक्त डॉ.प्रवीण गेडाम साहेब यांना नाशिक जिल्हाध्यक्ष ऍड.शशिकांत उन्हवणे यांच्या हस्ते व भीम सैनिकांनीकांच्या उपस्थितीत निवेदन सादर करण्यात आले. निवेदनात गुन्हेगारांना तातडीने शिक्षा करण्यात यावी अशी मागणी करून घटनेचा जाहीर निषेध करण्यात आला!
