गुरू रविदास यांना रैदास, रोहिदास आणि रुहिदास या नावानेही ओळखले जाते. यंदा ही जयंती 12 फेब्रुवारी 2025 बुधवारी रोजी देशभरात साजरी केली गेली..
पोलीस वार्ता, नाशिक : हिंदू कॅलेंडरनुसार, संत रविदास जयंती दरवर्षी माघ पौर्णिमेला साजरी केली जाते. यंदा ही जयंती 12 फेब्रुवारी 2025 बुधवारी रोजी देशभरात साजरी केली गेली.
नाशिक येथील शासकीय विभागीय आयुक्त कार्यालय, नाशिक रोड येथे देखील ‘संत रविदास महाराज’ यांच्या 648 वी जयंतीनिमित्त संतांच्या प्रतिमेस पुष्पहार अर्पण करून अभिवादन करण्यात आले.
इतिहासकारांच्या मते, गुरु रविदासजींचा जन्म 1377 मध्ये उत्तर प्रदेशातील वाराणसी शहरातील एका गावात झाला होता. गुरू रविदास यांना रैदास, रोहिदास आणि रुहिदास या नावानेही ओळखले जाते. संत रविदासांनी ‘रविदासीय पंथाची’ स्थापना केली आहे. त्यांना संत शिरोमणी ही पदवी देण्यात आली होती.
गुरु संत रविदास हे भक्ती चळवळीतील प्रसिद्ध संत होते. त्यांच्या भक्तिगीते आणि श्लोकांचा भक्ती चळवळीवर कायमचा प्रभाव पडला. जगात आजही महान संत गुरु रविदास आणि त्यांचे योगदान लक्षात ठेवले जाते आणि त्यांच्या सन्मानार्थ दरवर्षी रविदास जयंती उत्सव देशभरात साजरा केला जातो.
शिक्षणाव्यतिरिक्त समाजसुधारणेतही गुरु रविदासजींचे विशेष योगदान दिसून येते. त्यांनी सामाजिक समतेसाठी आवाज उठवला आणि या विषयावर लोकांना जागरुक केले. त्यांनी केलेले उपदेश..
• कोणताही माणूस जन्माने लहान किंवा मोठा नसतो, परंतु तो त्याच्या कर्माने मोठा किंवा लहान होतो.
• देव त्या व्यक्तीच्या हृदयात वास करतो, जिथे कोणत्याही प्रकारचे शत्रुत्व नसते.
