जळगाव शहरात डंपरने बालकास चिरडले; दुसऱ्या बालीकेची प्रकृती गंभीर, जमावाने डंपर पेटवले! 

पोलीस वार्ता, जळगांव : भुसावळकडून जळगावच्या दिशेला जाणाऱ्या एका वाळूची वाहतूक करणाऱ्या भरधाव डंपरने जळगाव शहरातील कालिंका माता चौकाजवळ मोटार सायकल ला धडक देऊन उडवले. या अपघातात 9 वर्षीय बालकाचा डंपर खाली येऊन जागीच मृत्यू झाला. तर दुचाकीवरील इतर एक अकरा वर्षीय लहान बालिका व दुचाकी चालत हे दोघे गंभीर जखमी झाले आहे. त्यांस रुग्णालयात हलविण्यात आले असून उपचार चालू आहे. सदरील घटना दि.25 डिसेंबर 2024, बुधवार रोजी सायं 7:30 वाजेच्या दरम्यान घडली असून चालक व क्लिनर घटनास्थळावरून अपघातग्रस्त वाहन सोडून पळून गेल्याने संतप्त जमावाने वाहनास पेटवून दिले.

मिळालेली माहिती अशी की, मयत बालकाचे नाव योजस धीरज बऱ्हाटे (वय-9, रा.लिलापार्क, अयोध्या नगर) असे आहे. दुचाकी चालवणारा त्याचे मामा असून योजस आपल्या मामा सोबत जेवणाचे पार्सल घ्यायला घरून तिघे निघाले होते. यावेळी मामा योगेश हरी बेंडाळे व बहीण भक्ती धीरज बऱ्हाटे देखील सोबत होते. यांची दुचाकी शहराच्या कालिंका माता चौकात येताच डंपरने त्यांना उडवले. आणि ही दुर्दैवी घटना घडली. सध्या जखमींवर शासकीय वैद्यकीय महाविद्यालय व रुग्णालयात उपचार सुरू आहे.

याठिकाणी हातापायी झाल्याची माहिती सूत्रांकडून समजते. कालिंका माता चौकाजवळ मोठ्या प्रमाणात जमाव जमा झाल्याने तीन ते चार किलोमीटर पर्यंत वाहनांच्या रांगा लागलेल्या होत्या. नागरिकांनी रस्ता बंद करून आंदोलन देखील केले. याची माहिती मिळताच घटनास्थळी पोलीस अधिकारी व कर्मचाऱ्यांनी धाव घेतली. परिस्थिती नियंत्रणा आणून. पोलीस प्रशासनाने पर्यायी वाहतूक एमआयडीसी परिसरकडून वळविली होते.

✍️पोलीस वार्ता न्यूज : भुसावळ