अंबड पोलीस ठाण्याच्या गुरनं 58/2020 भा.द.वि. कलम 454, 457, 380, 34 नुसार आरोपी अली नुरअली शेख हा गुन्हा करून फरार होता..
पोलीस वार्ता, नाशिक : शहर परिसरातील चोरीच्या घटना, वाढती गुन्हेगारी, अवैध धंद्यांवर कारवाई करण्याबाबत सुचना नाशिक शहर आयुक्त मा.संदीप कर्णिक साहेब यांनी पोलीस प्रशासनाला दिले आहेत.
त्यानुसार नाशिक शहर पोलीस गुन्हेशाखा युनिट-2 चे पथक हद्दीतील चोरीच्या घटनेतील आरोपींची माहिती घेत असतांना दि.24 एप्रिल 2025 रोजी पोह. चंद्रकांत गवळी यांना गुप्त माहिती मिळाली की, अंबड पोलीस ठाण्याच्या गुरनं 58/2020 भा.द.वि. कलम 454, 457, 380, 34 नुसार आरोपी अली नुरअली शेख हा गुन्हा करून फरार आहे. आणि तो सध्या पवननगर मैदानजवळील मार्केटच्या परीसरात फिरत आहे.
सदर खात्रीशीर माहिती मिळताच ती शहर गुन्हेशाखा युनिट-2 सपोनि. हेमंत तोडकर यांना देवून त्यांच्या मार्गदर्शनाने सपोउपनिरी प्रेमचंद गांगुर्डे, पोह. नंदकुमार नांदुर्डीकर, संजय सानप, सुनिल आहेर, वाल्मीक चव्हाण यांचे पोलीस पथक तयार करून मिळालेल्या माहितीच्या आधारे पवननगर, अंबड भागात सापळा लावुन थांबले असता आरोपीला पोलीसांची चाहुल लागताच त्याने पळ कडला, पोलिसांनी पाठलाग करून आरोपीला ताब्यात घेतले आणि त्याची चौकशी केली त्याने नाव अली हुसेननुर अली शेख, (वय 37) रा. संजीवनगर, अंबड लिंकरोड, अंबड, नाशिक असे सांगीतले. सदर गुन्ह्यातील सहभागाबाबत विचारना केली तर त्याने कबुली दिली. त्यामुळे आरोपीस पुढील कारवाईसाठी अंबड पोलीस ठाण्याच्या ताब्यात देण्यात आले आहे.
