बुरहानपूर : समाजसेवा क्षेत्रातील अग्रगण्य संस्था जनजागृती संस्था बुरहानपूरच्या वतीने श्रीराम झरोखा धाम मंदिर ट्रस्ट, नागझिरी घाट, इतवारा परिसरात फलदार रोपांची लागवड करण्यात आली. महंत १०८ श्री नर्मदानंदगिरी महाराज यांच्या हस्ते हा पौधारोपण कार्यक्रम झाला.यावेळी संस्थेचे संरक्षक व संस्थापक अध्यक्ष महेंद्र जैन, संरक्षक व सल्लागार डॉ. फौजिया सोडावाला, अध्यक्ष डॉ. किरण सिंह, उपाध्यक्ष सुनील सलुजा, सदस्य अरुण जोशी, दुबे भाभी तसेच ट्रस्टचे सचिव राजेंद्र खादीवाला उपस्थित होते.
पौधारोपण अभियानाला संबोधित करताना महंत नर्मदानंदगिरी महाराज म्हणाले, “वृक्ष आहे तर जीवन आहे. एखादे रोप लावल्यानंतर त्याची देखभाल लहान मुलाप्रमाणे करावी लागते. योग्य संगोपन केल्यास हेच रोप मोठे वृक्ष बनते आणि मानवाला फळांसोबतच सावली व ऑक्सिजनही देते.”
संस्थेचे संरक्षक व संस्थापक अध्यक्ष महेंद्र जैन म्हणाले की, दिवसेंदिवस कमी होत असलेली वृक्षसंख्या ही संपूर्ण जगासाठी चिंतेची बाब आहे. “वृक्ष आहेत तरच जीवन आहे. ऑक्सिजनच मिळाला नाही तर मानवाचे जीवन कसे जगणार? त्यामुळे प्रत्येकाने जास्तीत जास्त वृक्षारोपण करून त्यांचे संगोपन करण्यासाठी पुढाकार घ्यावा,” असे आवाहन त्यांनी केले.
