कार्यकर्त्यांच्या भावनांचा आदर व सन्मान करणारे असामान्य नेतृत्व विजय वडेट्टीवार

यवतमाळ ( नरेश ठाकरे) राज्याचे विरोधी पक्षनेते तथा ब्रम्हपुरी विधानसभा क्षेत्र आमदार विजय वडेट्टीवार हे ब्रम्हपुरी तालुका दौऱ्यावर असताना उदापूर येथील काँग्रेस पक्ष पदाधिकारी व कार्यकर्ते यांचेशी संवाद साधला. यानंतर त्यांनीं उदापूर येथील काँग्रेस पक्षाचे ज्येष्ठ निष्ठावंत कार्यकर्ते  ऋषिजी माटे यांच्या घरी जाऊन भेट घेतली. व मोठया आस्थेने त्यांच्या प्रकृतीची विचारपूस केली. यावेळी ऋषिजी माटे यांनी जुन्या आठवणींना उजाळा देत आगामी निवडणुकांमध्ये विजयश्री मिळवण्यासाठी  विजय वडेट्टीवार यांना शुभ आशिर्वादासह शुभेच्छा दिल्या. यावेळी एक सामान्य कार्यकर्ता ते राज्याचे विरोधी पक्षनेते या पदापर्यंतचा प्रवास करताना सुद्धा जमिनीवर पाय ठेवून आपल्या सामान्य कार्यकर्त्यां प्रती प्रामाणिकता व सामाजिक बांधिलकी जोपासणारे सर्वसमावेशक नेतृत्व विजय वडेट्टीवार यांच्या असाधारण कार्याची प्रचिती सर्वांना आली.