महापौर , उपमहापौर निवड बैठक आता.12. फेब्रुवारीला…

परभणी (मनोहर मोपकार ) महाराष्ट्र राज्यातील परभणी शहर महापालिकेच्या महापौर उपमहापौर निवडीसाठी विशेष सभेचे आयोजन यापूर्वी दि.9. फेब्रुवारीला करण्यात आले होते. मात्र विभागीय आयुक्त. छत्रपती संभाजीनगर यांच्या आदेशान्वये आता त्यात सुधारणा करून येत्या गुरुवार दिनांक 12. येथील.बी. रघुनाथ सभागृहात महापौर आणि उपमहापौर निवडीसाठी विशेष सभेचे आयोजन करण्यात येणार आहे. जिल्हा परिषद आणि पंचायत समिती सार्वत्रिक निवडणुकीची मतमोजणी दि.9. फेब्रुवारी रोजी सकाळपासून होणार आहे. या पार्श्वभूमीवर जिल्हाधिकारी यांनी विभागीय आयुक्त कार्यालयाला सुचना दिल्या. तसेच त्याच दिवशी महापौर आणि उपमहापौर निवडीची बैठक असल्याचे निदर्शनास आणून दिले. त्यामुळे आयुक्त कार्यालयातील नगरपरिषद प्रशासन शाखेच्या वतीने महापौर. उपमहापौर निवडीच्या विशेष बैठकीचे सुधारित वेळापत्रक देण्यात आले. त्यानुसार आता परभणी शहर महानगरपालिकेच्या महापौर आणि उपमहापौर पदाच्या निवडीसाठी गुरुवारी दिनांक 12 येथील बी. रघुनाथ सभागृहात सकाळी.11. वाजता विशेष बैठकीचे आयोजन करण्यात आले आहे .