भुसावळ – शहरातील व्दारका नगर, डॉ. बाबासाहेब आंबेडकर शाळे मागे ता.२९ रोजी दुपारी दोन ते चार वाजेच्या सुमारास कौटुंबिक वादावरून एका विवाहित महिलेच्या डोक्यात धारदार शस्त्राने प्राणघातक हल्ला केल्याची घटना घडल्यानंतर संशयित महिलेचा पती अक्षय आप्पासाहेब गुंजाळ हा फरार झालेला होता.मुंबईला जाण्यासाठी कदाचित रेल्वे गाडीने प्रवास करीत असावा या अनुषंगाने रेल्वे सुरक्षा बल विभागाला माहिती कळविले असता शिताफीने मनमाड रेल्वे स्थानकावरून संशयितांस तांत्रिक विश्लेषणांच्या आधारे
आठ तासात ताब्यात घेण्यात आले.
दरम्यान गेले चार महिन्यांपूर्वी मुंबई येथे पती – पत्नीमध्ये कौटुंबिक वाद झाल्याने विवाहित महिला वर्षा अक्षय गुंजाळ ही आजी रंजना प्रकाश यशोदे राहणार व्दारका नगर,डॉ. बाबासाहेब आंबेडकर शाळे मागे यांच्यासोबत राहत होती.दोन दिवसांपासून अक्षय हा मुंबई वरून त्यांची पत्नी वर्षाला मुंबई घेऊन जाण्याचा भुसावळात नातेवाईकांकडे तळ ठोकून होता.राग सोडून मुंबईला चल असा हट्ट करीत होता मात्र वर्षाने कदाचित नकार दिल्याने अक्षयच्या राग विकोपाला गेल्याने २९ ऑक्टोबर रोजी आजी ही दुपारी चार वाजेच्या सुमारास बाजार करण्यासाठी गेली असता याचा फायदा घेत संशयित अक्षय आप्पासाहेब गुंजाळ याने घरात प्रवेश करून वर्षाच्या डोक्यात धारदार शस्त्राने प्राणघातक हल्ला करून फरार झाला होता.घरामध्ये रक्ताचा सरोळ्यात वर्षा गुंजाळ ही पडून तिचा संशयास्पद मृत्यू झालेला होता.यासंदर्भात शहर पोलीस स्टेशन चे अधिकाऱ्यांनी रेल्वे सुरक्षा बल विभागाचे रिजर्व अधिकारी आर.के.सिंग व रेल्वे सुरक्षा बल विभागाचे निरीक्षक पी.आर.मीना यांच्याशी संपर्क साधला असता तात्काळ तांत्रिक विश्लेषणांच्या आधारे संशयित आरोपीचा शोध घेतला असता मनमाड येथे असल्याची माहिती मिळताच मनमाड रेल्वे सुरक्षा बल विभागाचे सब इन्स्पेक्टर दीपक गायकवाड यांनी रेल्वे स्थानकावर फरार आरोपीचा शोघ घेतला असता संशयित आरोपी अक्षय गुंजाळ हा रेल्वे स्थानकावर रात्री अकरा वाजेच्या दरम्यान झोपलेला मिळून आला. तात्काळ त्यास ताब्यात घेण्यात आले व सदरील माहिती रेल्वे सुरक्षा बल विभागाचे निरीक्षक पी.आर.मीना व शहर पोलीस स्टेशनचे निरीक्षक उद्धव डमाळे यांना कळविली.रात्रीच पथकास मनमाड येथे पाचारण करून संशयित आरोपीस ताब्यात घेऊन अटक करण्यात आली असून संशयितास भुसावळ शहर पोलिसांना सुपूर्त करण्यात आले.
सदरील घटनेची फिर्याद रंजनाबाई प्रकाश यशोदे (वय.६२) यांनी दिल्यावरून शहर पोलीस ता.३० रोज स्टेशनला गुरन २४३/२०२४ भारतीय न्याय संहिता २०२३ चे कलम १०३,३५२,३५१(३) प्रमाणे गुन्हा करण्यात आला आहे.गुन्ह्याचा अधिक तपास शहर पोलीस स्टेशनचे निरीक्षक उद्धव डमाळे करीत आहे.
सदरील गुन्ह्यातील संशयित आरोपीचा शोध घेण्याकामी रेल्वे सुरक्षा बल विभागाचे रिजर्व अधिकारी आर.के.सिंग यांचे अनमोल सहकार्य मिळाले.
