आठवड्याभरात लागोपाठ कारागृहात तीन वेगवेगळ्या घटना ..
राहुरीच्या कारागृहात न्यायालयीन कोठडीत असलेल्या चार आरोपींनी डिवटीवर असलेल्या पोलिस कर्मचाऱ्याच्या अंगावर शौचालयाचे घाण पाणी अंगावर फेकल्याचा धक्कादायक प्रकार उघडकीस आला असून याबाबत राहुरी पोलीस ठाण्यात ड्युटीवर असणारे पोलीस कर्मचारी शेषराव राजेंद्र कुटे यांनी याबाबत राहुरी पोलीस ठाण्यात कारागृहात असलेल्या चार आरोपी विरोधात गुन्हा दाखल केला आहे.
नुकतेच चार दिवसांपूर्वी राहुरी च्या कारागृहात आरोपीकडे मोबाईल सापडला त्यानंतर एका आरोपीने जखमेवर लावण्याचे औषध पिऊन आत्महत्याचा प्रयत्न केला होता तोच पुन्हा आरोपीकडून अंगावर शौचालयाचे घाण पाणी फेकण्चा प्रकार घडल्याने पोलीस प्रशासनामध्ये चांगलीच खळबळ उडाली आहे.
तर आठवड्याभरात या तीन वेगवेगळ्या घटना घडल्याने वेगवेगळ्या चर्चेला उधान आले आहे.
शशिकांत युवराज सुखदेव,हर्षल ढोकणे,बबलु कुसमडे व संदिप कुसमडे या चार न्यायालयीन कोठडीत असलेल्या आरोपींनी कपड्याची पिशवी आत घेण्याच्या कारणातून
वरिल आरोपींनी लॉकअप मध्ये असलेल्या शौचालयाचे घाणपाणी बाटलीत भरुन दिवटीवर असलेले पोलिस कर्मचारी शेषराव कुटे हे सरकारी ड्रेसवर असतांना यांच्या अंगावर फेकले यावरुन राहुरी पोलीस ठाण्यात सरकार कामांत अडथळा निर्माण केल्याचा गुन्हा दाखल करण्यात आला आहे.
सदर घटनेचा तपास पोलीस करत असुन मात्र लागोपाठ आठवड्याभरात कारागृहात वेगवेगळ्या तीन घटना घडल्याने वेगवेगळ्या चर्चेला उधाण आले आहे..
पोलीस वार्ता प्रतिनिधी अनिल कोळसे..
