भुसावळ – तालुक्यातील फेकरी गावातील शहा नगर येथे दुर्गा देवी जवळ गरबा कार्यक्रम चालू असतांना कपिलवस्ती नगर मधील इसमांनी पूर्ववैमनस्यातून तनजीम शकील पिंजारी (वय.४९) यांच्यावर डाव्या पायावर, पाठीवर, कमरेवर,चाकूने वार केल्याची घटना ता,२३ रोजी तालुका पोलीस स्टेशन हद्दीत घडली. यादरम्यान जखमी खाजगी रुग्णालयात उपचार घेत होता.लकी संजय सुरवाडे,रवी संतोष इंगळे असे संशयितांची नावे आहेत.
पोलिसांनी घेतलेल्या जबाबावरून ता.२८ रोजी रात्री दहा वाजेच्या सुमारास फेकरी गावात ता.२३ रोजी दुर्गा देवी जवळ गरबा कार्यक्रम चालू असतांना तनजीम उभा होता. कपिलवस्ती मधील लकी संजय सुरवाडे,रवी संतोष इंगळे हे दोघे आले व धमकावून बोलले तू माझ्याबाबतीत गावात का चुकीची अफवा पसरविली असे बोलून काही एक समजण्या अगोदर लकीने मागून येवून दोघे हात पकडून शिवीगाळ करू लागले तेवढ्यात रवी इंगळे याने त्याचे हातातील चाकूने डाव्या पायावर, कमरेच्याया वर,पाठीवर मारून दुखापत केली तसेच दोघांनी मारून टाकण्याची धमकी देवून लाथांनी मारहाण केली म्हणून तनजीम शकील पिंजारी यांनी दिलेल्या फिर्यादीवरून ता.२९ रोजी तालुका पोलीस स्टेशनला गुन्हा दाखल करण्यात आला.
