भुसावळ – शहरातील पंचशील नगर,बौद्ध विहार जवळील इसम घरामध्ये गाणे म्हणत होता. काही त्याचे घरासमोर बसलेले होते.जोरजोरात गाणे म्हणू नको असे बोलले असता मी माझ्या घरात गाणे म्हणत आहे तुम्हाला त्रास होत असेल तर घरी जा असे बोलण्याचा राग आल्याने शिवीगाळ करीत बाजूला पडलेली वीट हातात घेवुन डोक्यावर मारून फेकल्याची घटना ता.२४ रोजी रात्री साडे आठ वाजेच्या सुमारास घडली.यश वाघ,अलताफ शेख व दानिश शेख असे संशयितांचे नावे आहेत.
घरामध्ये विक्की इंधाटे हा जोरजोराने गाणे म्हणत होता. घरासमोर बसलेले यश वाघ, अलताफ शेख व दानिश शेख यांनी जोरजोरात गाणे बोलू नको असे बोलले असता तुला काय त्रास होत आहे माझ्या गाणे म्हणत आहे. बोलण्याचा राग आल्याने शिवीगाळ करीत घराबाहेर पडलेली वीट हातात घेवुन डोक्यावर मारून फेकल्याने त्यातून रक्त निघू लागले. तसेच चापटा – बुक्क्यांनी पोटावर,पाठीवर मारहाण केली.पती व आजी भांडण सोडवण्यासाठी आले असता काठी आजीच्या डोक्यावर मारून दुखापत केली. तसेच जिवंत सोडणार नाही अशी धमकी दिली म्हणून बाजारपेठ पोलीस स्टेशनला विक्की रवींद्र इंधाटे यांनी दिलेल्या फिर्यादीवरून गुन्हा दाखल करण्यात आला आहे.तपास पोलीस कर्मचारी प्रशांत देशमुख करीत आहे.
