भुसावळ – अवैध गौण खनिज उत्खनन व वाहतूक करणारे वाहन तसेच विना क्रमांकाचे डंपर ट्रॅक्टर व मालट्रक यांच्यावर महसूल व पोलीस पथकाकडून कारवाईचा धडाका सुरूच ता.२८ डिसेंबर २०२४ रोजी बाजारपेठ पोलीस पथकांनी कार्यवाही मध्ये विना क्रमांकाच्या ट्रॉलीने गौण खनिज वाहतुकीच्या संशयावरून १ ट्रॅक्टर जप्त केले तसेच १ ट्रॅक्टर विना क्रमांकाच्या ट्रॉलीने रस्त्याने वाहतूक करत होते वाहनात गौण खनिज आहे अगर कसे याची खातरजमा करणे कामी महसूल पथकास पाचारण करण्यात आले.महसूल पथकाने ट्रॅक्टरतील असलेल्या गौण खनिजाची पाहणी करून पंचनामा केला असता सदर ट्रॅक्टर मध्ये माती मिश्रित डांबर दगड गोट्याची रॉ मटेरियल असल्याचे आढळून आले त्यामुळे कोणत्याही प्रकारचे अवैध वाहतूक होत नसल्याचे आढळून आले.
परंतु पथकांनी जप्त केलेले दोनही ट्रॅक्टरचे ट्रॉली विनाक्रमांकाची असल्यामुळे परिवहन विभागाच्या नियमाचे उल्लंघन होत असल्याने दंडात्मक कार्यवाही केली जाईल.
जळगाव येथील कालिंका माता परीसरात डंपरच्या अपघातानंतर पोलीस पथकाने यापूर्वी मुकेश धर्मा राखुंडे राहणार भुसावळ यांच्या मालकीचे वाहन क्रमांक एम.एच.१९ झेड.६३७४ व १ विना क्रमांकाचे एकूण २ वाहनावर अवैध गौण खनिज वाहतूक केल्याप्रकरणी कार्यवाही केलेली आहे.
भुसावळ तालुक्यात महसूल पथक सह पोलीस पथक देखील रात्री अप रात्री गस्तीवर असून अवैध गौण खनिज वाहतुक करणाऱ्या वरती अशीच कार्यवाही पुढे करीत राहणार आहे.
