भुसावळात पूर्ववैमनस्यातून तरुणांचा खून ; आठवड्याभरापासून मृतदेह खड्ड्यात !

मुकेशचा भाऊ व त्याचे काही मित्र दारू पित बसलेले असतांना मुकेशच्या भावाने मित्रांना सांगितले की, मुकेश चा खून झाला आहे.मित्रांनी हा प्रकार मुकेशची पत्नी सुरेखाला सांगितला हे ऐकून ती भयभीत झाली व तिच्या मनात भीती निर्माण झाली होती आता आपले बिंग फुटणार आहे.आज मुकेशचे  मित्रांना कळले उद्या सर्वांना कळेल की,मुकेश चा खून झाला आहे.मुकेशच्या पत्नीने शक्कल लढविली व संपुर्ण माहिती शोभाबाई युवराज गुडचर (बहीण) राहणार झोनल ट्रेनिंग सेंटर यांना दिली. ता.१३ रोजी हातात पाच बंदुका व चाकू घेवून सात ते आठ इसमांनी घरात प्रवेश केला व मुकेशच्या पत्नीस घराच्या खोलीमध्ये डांबून ठेवून मुकेशला घरामध्येच संपविले.

सदरील घटनेची माहिती मुकेशची बहीण यांनी ता.२१ रोजी दुपारी बारा वाजेला पोलिसांना दिली.यानंतर पोलिसांनी तपास चक्रे फिरवीत मनोज मारुती राखुंडे यास ताब्यात घेतले.पोलिसांनी खाकी दाखवताच मनोजने सांगितले की,

मुकेशचा मृतदेह अनिल मारुती राखुंडे,विनोद मारुती राखुंडे, शुभम अनिल राखुंडे,आदित्य सुनील राखुंडे,सुरेखा मुकेश भालेराव तसेच एक अनोळखी महिलेची अशांनी मिळून गादी सकट उचलून त्यांच्या घराच्या पाठीमागील तापी नदी खोऱ्यात नेऊन पाच फुटाचा मोठा खड्डया खोदून मुकेशची मांडी मारून जमिनीत पुरवल्याचे सांगितले.यानंतर  मनोन ने घटनास्थळ दाखविले.पोलिसांनी सायंकाळी सहा वाजेला घटनास्थळी पोहचून मुकेशचा मृतदेह खड्यातून बाहेर  काढला यावेळी परिसरात दुर्गंधी पसरली होती.पोलिसांनी मृतदेहास ग्रामीण रुग्णालयात ट्रामा केसर सेंटर मध्ये शवविच्छेदन साठी नेला.रात्री अंदाजे दहा वाजेपर्यत शवविच्छेदन सुरू होते.या दरम्यान पोलिसांनी चार संशयितांना ताब्यात घेतले त्यांची कसून चौकशी सुरू आहे. आद्यपवतो शहर पोलीस स्टेशनला गुन्हा दाखल करण्याची प्रक्रिया उशिरा पर्यत सुरू होती.