भुसावळ रेल्वे सुरक्षा बल विभागाचे निरीक्षक पी.आर.मीना यांना गोपनीय माहिती मिळाली की, दोन इसम एका बँग मध्ये नकली नोटा घेवून रेल्वे स्थानकावर वावरत आहे..
पोलीस वार्ता, भुसावळ : पटना-पुणे एक्सप्रेसने प्रवास करणाऱ्या एका युवकास भुसावळ रेल्वे स्थानकावर सुरक्षा बल पथकाने ताब्यात घेतले त्यांचे कब्जातुन एक बँग हस्तगत करण्यात आली असून त्यात पाचशे रुपये नोटांचे एकूण दीड कोटी रुपयांच्या नकली नोटा मिळून आल्या आहे. संशयितांचे नाव अक्षय क्षत्रुलाल सव्हेणे असे असून त्याला ताब्यात घेण्यात आले आहे. मात्र त्याचा साथीदार फरार झाला असून या प्रकरणी गुन्हा दाखल करण्याचे काम सुरू आहे.
खामगांव येथील राहणारा अक्षय क्षत्रुलाल सव्हेणे व त्याचा साथीदार महेश चोपडे हे दोघे खामगांव वरून मलकापूरला आले व तेथून पाचशे रुपये किंमतीचे नकली नोटांचे तीस बंडल (दीड कोटी) घेवून रेल्वे प्रवासाने भुसावळ स्टेशनला उतरले. तिथून पुढील प्रवास नाशिकच्या दिशेने करायचा असल्याने रेल्वेगाडीला वेळ लागणार होता, त्यामुळे दोघेही दारू पिण्यासाठी रेल्वेस्थानका बाहेर पडले. यादरम्यान रेल्वे सुरक्षा बल विभागाचे निरीक्षक पी.आर.मीना यांना गोपनीय माहिती मिळाली की, दोन इसम एका बँग मध्ये नकली नोटा घेवून रेल्वे स्थानकावर वावरत आहे. या अनुषंगाने निरीक्षकांनी तात्काळ पथकास सोबत घेवून मिळालेल्या माहितीच्या आधारे संशयितांची शोध मोहीम सुरू केला असता एक संशयित युवक फलक क्रमांक पाच व सहा जवळील रेल्वे पुलावर मिळून आला. हे पाहताच त्याचे साथीदार महेश चोपडा हा मागेच फरार झाला. युवकांची अंगझडती घेतली असता त्याचे कब्जातुन एक बॅग मिळून आली त्यात पाचशे रुपये किंमतीचे तीस बंडल नकली नोटांचे मिळून आले. सदरील संशयित अक्षय क्षत्रुलाल सव्हेणे यास ताब्यात घेण्यात आले, चौकशी दरम्यान अक्षय यांनी सांगितले की, नोटांची बँग मलकापूर वरून नाशिकला पोहचविण्याचे दोघांना दोन हजार रुपये कमिशन मिळणार होते. सुत्रांकडून मिळालेल्या माहितीनुसार तीस बंडल नोटांमध्ये वीस हजार रुपये किंमतीचे चलनी(खऱ्या) नोटा असून बाकी सर्व नकली असल्याचे कळते.
-
भुसावळ आर.पी.एफ बँकेला पत्र पाठवणार..
