सदर बेकायदेशीररित्या चालविण्यात येणारे कत्तलखाने तथा उघड्यावरील मांस विक्री दुकानांमुळे सार्वजनिक आरोग्य धोक्यात आले..
पोलीस वार्ता, सटाणा : कोणतीही व्यक्ती बेकायदेशीररित्या उघड्यावर नगरपरिषद क्षेत्रात मांस विक्रीसाठी किंवा पुरविण्यासाठी कोणत्याही जनावराची कत्तल करत असेल तर ते कृत्य कायद्याचे उल्लंघन म्हणून समजले जाईल व संबंधितावर कठोर कारवाईची स्पष्ट तरतूद महाराष्ट्र नगरपरिषद, नगरपंचायती व औद्योगिक नगरी अधिनियम, 1965 मध्ये नमूद असताना; सटाणा नगर परिषद कार्यक्षेत्र हद्दीत नाशिक नाका- मंगलनगर ते जुने अमरधाम रोड तसेच दोधेश्वर नाका-ताहाराबाद रोड नवीन-अमरधाम रोड व अन्य परिसरात सर्रासपणे बेकायदेशीररीत्या कत्तलखाने व उघड्यावरील पशू-पक्ष्यांची मांस विक्री केली जात आहे.
सदर बेकायदेशीररित्या चालविण्यात येणारे कत्तलखाने तथा उघड्यावरील मांस विक्री दुकानांमुळे सार्वजनिक आरोग्य धोक्यात आले असून, घातक रोगराईला निमंत्रण मिळत आहे.
नागरिकांच्या आरोग्यास तसेच जीवितास बाधा आणू शकणाऱ्या अशा बेकायदेशीररित्या चालविण्यात येणारे कत्तलखाने तथा उघड्यावरील मांस विक्री दुकानांकडे नगर परिषद प्रशासनाचे कमालीचे दुर्लक्ष असून प्रशासनाच्या कर्तव्यात कसूर आणि बेजबाबदारपणामुळे नागरिकांचे आरोग्य आणि सार्वजनिक स्वच्छता धोक्यात आली आहे.
