भुसावळ – तालुक्यात अवैध गौण खनिज माफियांनी महसूल विभागाच्या काही अधिकाऱ्यांशी हातमिळवणी करून हैदोस मांडला असून खडका – किन्ही औद्योगिक वसाहती मध्ये ब्लॅस्टिंग करून अवैध गौण खनिजांची वाहतूक करीत आहे.सदरील सर्व प्रकार महसूल प्रशासन उघड्या डोळ्यांनी पाहूनही न पाहिल्या सारखे करीत आहे.महसूल विभागाचे पथकाने एक थातुरमातुर कारवाई ता.४ डिसेंबर रोजी राष्ट्रीय महामार्ग ५३ वर एका अवैध गौण खनिज वाहनांवर कारवाई केली आहे.
सध्या नुकत्याच विधानसभा निवडणुका पार पडल्या असून विकास कामांना ऊत आलेला आहे.याचा फायदा अवैध गौण खनिज माफिया महसूल विभागाचे अधिकारी व राजकीय पुढारी यांच्या नावाखाली अवैध गौण खनिज व अवैध वाळूची वाहतूक बिनधास्तपणे सुसाट वेगाने करीत आहे.अशा वाहनांवर उपविभागीय अधिकारी जितेंद्र पाटील यांच्या मार्गदर्शनाखाली महसूल पथकाने राष्ट्रीय महामार्ग ५३ वर दुपारी अवैध गौण खनिज वाहतूक करणारे मौजे साकेगाव येथील रहिवाशी संदीप बेनीलाल परदेशी यांचे मालकीचे वाहन क्रमांक (एम.एच १८ डी ७७५२) ता.४ डिसेंबर रोजी वाहन ताब्यात घेऊन तहसील कार्यालयात पुढील दंडात्मक कार्यवाही करता जमा केले.
सदर कार्यवाही मध्ये महसूल विभागाचे मंडळ अधिकारी प्रफुल कांबळे तलाठी भुसावळ पवन नवगाळे हे होते.
