भुसावळ : शहरातील काझी प्लॉट परिसरात एका राहत्या घराला अचानक रात्री दहा वाजेच्या सुमारास आग लागल्याची घटना ता.१ रोजी घडली आहे. प्राथमिक माहितीनुसार शॉर्ट सर्किटमुळे ही आग लागल्याचा अंदाज व्यक्त करण्यात येत आहे.
आगेने काही वेळातच रौद्र रूप धारण केल्याने परिसरात भीतीचे वातावरण निर्माण झाले होते. खबरदारीचा उपाय म्हणून काही काळ विद्युत पुरवठा खंडित करण्यात आला.
दरम्यान, स्थानिक नागरिकांनी तातडीने धाव घेत मदतकार्य सुरू केले. सुदैवाने या घटनेत कोणतीही जीवितहानी झालेली नाही. मात्र, आगीत लाखो रुपयांचे नुकसान झाल्याची माहिती समोर येत आहे.
घटनास्थळी अग्निशमन दलाचे कर्मचारी दाखल झाले असून आग आटोक्यात आणण्यासाठी शर्थीचे प्रयत्न सुरू आहेत
