अवैध रेती वाहतूकीवर वणी पोलीसांची कारवाई, रेतीसह चालकाला अटक करून ट्रॅक्टर जप्त!

पोलीसांनी ट्रॅक्टरची तपासणी तेव्हा त्यात अंदाजे 1 ब्रास रेती अंदाजे किंमत सात हजार रुपये, आढळून आली..

पोलीस वार्ता, वणी : मंदर येथे अवैध रेती वाहतूक करणाऱ्यावर वणी पोलिसांनी 5 ऑगस्ट 2025 रोजी ट्रॅक्टर चालकावर गुन्हा दाखल करून कारवाईत ट्रॅक्टर जप्त करण्यात आला आहे.

पोलिसांनी दिलेल्या माहितीप्रमाणे, वणी पोलीस ठाण्याचे पोह. सचिन मरकाम बातमी मिळाली की, वणी येथील मंदर येथे अवैध रेतीची वाहतूक सुरू आहे. या माहितीच्या आधारे पोह. मरकामपो व कॉ. श्रीनिवास गोंलावर यांनी मंदर येथे जाऊन पाहणी करून खात्री केली.

यावेळी महिंद्रा कंपनीचा ट्रॅक्टर क्र. MH29 CB7742 हा रेती वाहतूक करताना आढळून आला. पोलिसांनी ट्रॅक्टर थांबवून चालकाचे नाव विचारले असता त्याचे नाव दिनेश नानाजी गुहे (वय-31), रा. मंदर, ता.वणी असे सांगितले. पोलिसांनी ट्रॅक्टरची तपासणी तेव्हा त्यात अंदाजे 1 ब्रास रेती अंदाजे किंमत सात हजार रुपये, आढळून आली. ट्रॅक्टर चालकाकडे रेती वाहतुकीचा कोणताही अधिकृत परवाना नसल्याने कारवाई करण्यात आली. चालक दिनेश गुहे याच्याविरुद्ध भा.न्या.सं कलम 303(2) सह जमीन महसूल कायदा, कलम 48(8) अन्वये गुन्हा दाखल करण्यात आला आहे. कारवाईत ट्रॅक्टर किंमत 4 लाख 50 हजार व 7 हजार रुपयांची रेती असा एकूण 4 लाख 57 हजार रुपयांचा मुद्देमाल जप्त करण्यात आला आहे.

सदर कारवाई उपविभागीय पोलीस अधिकारी, वणी यांच्या मार्गदर्शनाखाली वणी पोलीस ठाण्याचे पोलीस निरीक्षक यांच्या आदेशानुसार पोलीस पथकाने मिळून केली.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532