श्री व्ही एस नाईक महाविद्यालयात ‘सेवा पखवाडा’ उपक्रमाअंतर्गत विविध सामाजिक कार्यक्रमांचे आयोजन

राष्ट्रीय सेवा योजनेअंतर्गत महाविद्यालय परिसरात वृक्षारोपण करून शुभारंभ, ‘स्वच्छता ही सेवा’ या उपक्रम निमित्त परिसरात स्वच्छता मोहीम राबवली..

पोलीस वार्ता, जळगाव : राज्यात ‘राष्ट्रनेता ते राष्ट्रपिता’ सेवा पंधरवडा 17 सप्टेंबर ते 2 ऑक्टोबर 2025 पर्यंत राबविण्यात येत आहे. याच अनुषंगाने जळगाव जिल्ह्यातील रावेर येथील श्री व्ही एस नाईक कला वाणिज्य व विज्ञान महाविद्यालयात राष्ट्रीय सेवा योजनेअंतर्गत महाविद्यालय परिसरात वृक्षारोपण करून शुभारंभ करण्यात आला.

याप्रसंगी ‘एक पेड माँ के नाम’ या अभियानांतर्गत तहसीलदार बी.ए.कापसे, सिनेट सदस्य पद्माकर पाटील, महाविद्यालयाचे अध्यक्ष दादासो हेमंत शेठ नाईक, सचिव मा.मुरलीधर कानडे तसेच संचालक मंडळातील मान्यवरांच्या उपस्थितीमध्ये वृक्षारोपण कार्यक्रम संपन्न झाला. तसेच 18 सप्टेंबर रोजी स्वच्छ भारत अभियानांतर्गत ‘स्वच्छता ही सेवा’ या उपक्रम निमित्त महाविद्यालयाच्या परिसरात स्वच्छता मोहीम राबवून पालापाचोळा, प्लास्टिक कचरा गोळा करून कचऱ्याची विल्हेवाट लावली.

यावेळी महाविद्यालयाचे प्राचार्य डॉ.अनिल पाटील यांच्या मार्गदर्शनात ‘राष्ट्रीय सेवा योजना’ अंतर्गत सर्व कार्यक्रम यशस्वीरीत्या संपन्न झाले. सर्व उपस्थित प्राध्यापक व शिक्षकेतर कर्मचारी यांच्या सक्रिय सहभागातूनच हे अभियान यशस्वी झाले. तसेच पुढील दिवसात देखील ‘सेवा पंधरवडा’ अंतर्गत महाविद्यालयात विविध सामाजिक उपक्रम राबविण्याचे नियोजन केले आहे.

✍️पोलीस वार्ता संपादक: निलेश फिरके, भुसावळ, संपर्क: 09960333469