चर्च ऑफ गॉड ही संस्था नेहमीच वेगवेगळ्या माध्यमातून लोक सहभागातून सामाजिक उपक्रम करतांना दिसते..
पोलीस वार्ता, नाशिक : पर्यावरणाचा समतोल राखणे व पर्यावरणाची हानी रोखणे ही आपल्या प्रत्येकाची नैतिक व सामाजिक जबाबदारी आहे. पृथ्वीवरील जैवविविधतेचे रक्षण करून, झाडे लावून पर्यावरणाच्या संरक्षणासाठी ठोस पावले उचलण्याची काळाची गरज आहे. पर्यावरणपूरक जीवनशैली स्वीकारून भविष्यासाठी हरित आणि संतुलित पर्यावरण निर्माण करण्यात आपले योगदान द्यावे याच उद्देशाने वर्ल्ड मिशन सोसायटी चर्च ऑफ गॉड या संस्थेच्या वतीने 24 ऑगस्ट 2025, रविवार रोजी आयोजित वृक्षारोपण कार्यक्रम नाशिक रोड भागातील बुद्धिस्ट(बौद्ध) इंटरनॅशनल स्कूल येथे संपन्न झाला.
चर्च ऑफ गॉड ही संस्था नेहमीच वेगवेगळ्या माध्यमातून लोकसहभागातून सामाजिक उपक्रम करतांना दिसते. यावेळी नाशिक शहरातील एकलहरा रोड येथील बुद्धिस्ट इंटरनॅशनल स्कूलच्या सहकार्याने शाळेच्या प्रांगणात वृक्षारोपण कार्यक्रम उत्साहात पार पडला. रविवार रोजी सकाळी 11 वाजता चर्च ऑफ गॉड या संस्थेचे सदस्य व त्यांचे कुटुंबीय तसेच बुद्धिस्ट इंटरनॅशनल स्कूलचे संचालक व सदस्य आणि आलेले मान्यवर, स्वयंसेवक यांनी एकत्र येत शाळेभोवतीच्या प्रांगणाची स्वच्छता करून 30 झाडांचे वृक्षरोपण केले.
यावेळी चर्च ऑफ गॉड या संस्थेच्या वतीने आलेले मान्यवर शाळेचे संचालक श्री.नितीन डांगळे, मुख्याध्यापिका योगिता थोरात तसेच शिल्पा अहिर, सुष्मा उबाळे, राजाभाऊ सोनवणे, राजेश जाधव, सोनाली मोरे, देव वाद्य, मीडियाचे उमेश फिरके, बंटी आढाव, राज निकाळे यांचे स्वागत व सन्मान करण्यात आला.
चर्च ऑफ गॉड या संस्थेच्या अधिकाऱ्यांनी कार्यक्रम स्थळी पर्यावरण पूरक संदेश देताना म्हटले की, “आम्ही सजीव सृष्टीचे अस्तित्व असलेल्या पृथ्वीच्या पुढील भविष्यासाठी विविध पर्यावरण संवर्धक उपक्रम राबवत आहोत. आम्हाला आशा आहे, यामुळे शहराचे सौंदर्य आणि नागरिकांमध्ये पर्यावरण जागरूकता वाढण्यास मदत होईल.”
