होमगार्ड त्रैमासिक संमेलनात अप्पर पोलीस अधीक्षक आदित्य मिरखेलकर यांचे मार्गदर्शन!

संमेलनात वरिष्ठांच्या नेतृत्वात होमगार्ड पथकातील महिला व पुरुष जवानांच्या कामासंदर्भात येणाऱ्या अडीअडचणी वरील  मार्गदर्शन..

पोलीस वार्ता, नाशिक : जिल्हा होमगार्ड कार्यालयाच्या वतीने होमगार्ड जवानांच्या ‘त्रैमासिक संमेलनाचे’ आयोजन नुकतेच नाशिकमध्ये पोलीस कवायत मैदान येथे करण्यात आले होते. संमेलनात वरिष्ठांच्या नेतृत्वात होमगार्ड पथकातील महिला व पुरुष जवानांच्या कामासंदर्भात येणाऱ्या अडीअडचणी सोडवण्याकरिता त्यांना आमंत्रित करून त्या जाणून घेतल्या व त्यांना त्याबद्दल योग्य मार्गदर्शन मा.जिल्हा समादेशक आदित्य मिरखेलकर साहेब, अप्पर पोलीस अधीक्षक नाशिक ग्रामीण यांनी केले.

महाराष्ट्र पोलीस सेवेत होमगार्ड पथक बंदोबस्त बजावत असताना होमगार्ड जवानांना पडणारे प्रश्न आणि त्यातून मार्ग कसा काढावा. याकरिता सूचना व मार्गदर्शन संमेलनात उपस्थित अधिकाऱ्यांकडून करण्यात आले. संमेलन व्यवस्थित संपन्न झाले यासाठी शांतीलाल निनावे, सुमंत महाजन, प्रशांत चौधरी यांनी सर्वांचे आभार मानले.

यावेळी जिल्ह्यातील होमगार्ड पथकाचे सर्व अधिकारी समादेशक दिनेश पवार, एस.के जाधव, बाजीराव जाधव, महाले, कुलथे, सुरेश जाधव, हरून तडवी, शांतीलाल निनावे, क्लार्क अभिषेक तांबडे, दीपक जाधव आदींसह जिल्ह्यातील महिला व पुरुष होमगार्ड जवान मोठ्या संख्येने उपस्थित होते.