द्वारका परिसर, अमृत स्नान पर्वणी मार्ग, रामकुंड, काळाराम मंदिर, सीता गुंफा, स्मार्ट सिटी नियंत्रण कक्ष, सायंकाळी रामकुंडसह विविध स्थळांना भेट व पाहणी..
पोलीस वार्ता, नाशिक : त्र्यंबकेश्वर येथे होणाऱ्या सिंहस्थ कुंभमेळा 2027 च्या सुरू असलेल्या विकास काम आणि तयारीचा आढावा घेण्यासाठी राज्याचे मुख्य सचिव राजेशकुमार दि.8 नोव्हेंबर रोजी नाशिकमध्ये आले होते. विभागीय आयुक्त कार्यालयात दुपारी आढावा बैठक घेतल्यानंतर त्यांनी द्वारका परिसर, अमृत स्नान पर्वणी मार्ग, रामकुंड, काळाराम मंदिर, सीता गुंफा, स्मार्ट सिटी नियंत्रण कक्ष, सायंकाळी रामकुंडसह विविध स्थळांना तसेच आदी ठिकाणी भेट देऊन पाहणी केली. तसेच सुरू असलेल्या विविध विकास कामांना गती देण्याचे निर्देश त्यांनी दिले.
यावेळी त्यांच्या सोबत ग्रामविकास विभागाचे प्रधान सचिव एकनाथ डवले, नियोजन विभागाचे प्रधान सचिव सौरभ विजय, गृह विभागाचे प्रधान सचिव अनुपकुमार (विशेष), विभागीय आयुक्त तथा नाशिक-त्र्यंबकेश्वर कुंभमेळा विकास प्राधिकरणाचे अध्यक्ष डॉ.प्रवीण गेडाम, कुंभमेळा प्राधिकरणाचे आयुक्त शेखर सिंह, महानगरपालिका आयुक्त मनीषा खत्री, जिल्हाधिकारी आयुष प्रसाद, जिल्हा परिषदेचे मुख्य कार्यकारी अधिकारी ओमकार पवार, पोलिस उपायुक्त किरणकुमार चव्हाण आदी उपस्थित होते.
