पोलीस आयुक्तांनी जारी केले शहरात 29 मार्चपर्यंत शस्त्र व जमावबंदी आदेश!

शहर कार्यक्षेत्रात 15 मार्च 2026 च्या मध्यरात्रीपासून ते 29 मार्च 2026 च्या रात्री 12.00 वाजेपर्यंत शस्त्र व जमावबंदी आदेश..

पोलीस वार्ता, नाशिक : शहरात कायदा व सुव्यवस्था अबाधित ठेवण्यासाठी नाशिक शहर पोलीस आयुक्त संदीप कर्णिक यांनी मुंबई पोलीस अधिनियम 1951 चे 37(1) (3) अन्वये शहर कार्यक्षेत्रात 15 मार्च 2026 च्या मध्यरात्रीपासून ते 29 मार्च 2026 च्या रात्री 12.00 वाजेपर्यंत शस्त्र व जमावबंदी आदेश जारी केले आहे.

हे आदेश लग्नकार्य, मिरवणुका, तालुका आठवडे बाजार किंवा प्रेतयात्रेच्या जमावास लागू राहणार नाहीत. तसेच हा आदेश पोलीस अधिकारी, कामावर असलेल्या इतर शासकीय अधिकारी, कर्मचारी यांना तसेच सभा अगर मिरवणुका काढण्यास रितसर परवानगी घेतली असलेल्या व्यक्तींना लागू नाही. या आदेशाचे उल्लंघन केल्यास संबंधितावर महाराष्ट्र पोलीस कायदा 1951 चे कलम 135 अन्वये कारवाई करण्यात येईल, असेही श्री. कर्णिक यांनी आदेशात नमूद केले आहे.