जेष्ठ नागरिक व महिला यांनी एकत्र येत रॅली काढून आण्णाभाऊ साठे व महापुरुषांच्या नावाच्या घोषणा देऊन जयजयकार केला..
पोलीस वार्ता, नाशिक : लोकशाहीर, साहित्यिक आण्णाभाऊ साठे यांच्या 105 व्या जयंतीदिनानिमित्त 1 ऑगस्ट रोजी, पेंढारकर कॉलनी, जेलरोड येथील शिवरत्न सांस्कृतिक कला व क्रीडा मंडळाच्या वतीने आण्णाभाऊ साठे जयंती उत्साहात साजरी करण्यात आली. यावेळी परिसरातील नागरिक मोठ्या संख्येने उपस्थित होते. आण्णाभाऊंच्या प्रतिमेला पुष्पहार अर्पण करून सर्वांनी अभिवादन केले.
त्याच प्रमाणे निर्मिक सोशल फाउंडेशनच्या वतीने देखील गंधर्व नगरीत आण्णाभाऊ साठे यांची जयंती आनंद उत्साहात साजरी झाली. यावेळी परिसरातील जेष्ठ नागरिक व महिला यांनी एकत्र येत रॅली काढून आण्णाभाऊ साठे व महापुरुषांच्या नावाच्या घोषणा देऊन जयजयकार केला. तसेच सर्व महापुरुषांच्या प्रतिमांना पुष्पहार अर्पण केले. आणि सामाजिक संदेश देत 50 गरजु विद्यार्थांना शालेय वह्या वाटप करून त्यांना अल्पोपहार देण्यात आले.
या जयंती कार्यक्रम प्रसंगी स्थानिक नागरिक विमल बर्वे, माया रूपवते, करुणा भालेराव, पद्म निकम, देठेताई तसेच बाळा निकम, विनीत सातपुते, विजय बागुल, संतोष गाडेकर, संतोष शेळके, अमित रूपवते, टोगरे अण्णा, गौरव जाधव, दिपक नितनवरे, मिलिंद चंदेले, दिलीप ठाकूर, मनोहर रूपवते, माधव जाधव, रामदास निकम, विलास रामचंद्र गांगुर्डे, उदय भालेराव(सर), मधुकर देठे, सुभाष निकम, संदीप काळे, भारत निकम, प्रतीक बागुल, अमोल बागुल, अरुण घोडेराव आदी महिला व पुरुष मोठ्या संख्येने उपस्थित होते.
